Argitektuur: Verskil tussen weergawes

'''Argitektuur''' (afgelei van die [[Latyn]]se ''architectura'' en ontleen van die Griekse ἀρχιτεκτονία architektonía "boukuns, argitektuur" en ἀρχιτέκτων ''architekton'' "argitek", 'n samestelling van ἀρχι- "hoof" en τέκτων "skepper") is die ambag, [[kuns]] en [[wetenskap]] om geboue en strukture te ontwerp. Die presiese definisie van [[boukuns]] en argitektuur bly sedert die vroeë 20ste eeu omstrede - dit is afhanklik van die betrokke konteks. Die ontwerp en verwesenliking van geboue en strukture het dikwels estetiese, tegniese, ekonomiese en politieke implikasies.<ref>[https://www.architekt.de/architektur/architektur_definition_und_theoriebildung.php ''Architekt.de - Forum für Architektur. Besoek op 4 September 2020'']</ref> Gewoonlik word argitektuur as deeldissipline van die bouwese by die ingenieurswetenskappe gereken.<ref>Monika Schill-Fendl: ''Planungsmethoden in der Architektur''. Books on Demand 2004, bl. 51</ref>

 

Argitektoniese ontwerpe, wat materiële gestalte kry as geboue, word dikwels as kulturele simbole en kunswerke waargeneem en kan selfs ikoniese status bereik. 'n Argitek kan derhalwe aanspraak maak op die outeurs- en kopiereg op sy werk. Historiese beskawings word onder meer op die basis van hul argitektoniese prestasies beskryf. Volgens die eerste oorlewende werke van die onderwerp, wat uit die pen van die Romeinse argitek en [[Siviele ingenieurswese|siviele ingenieur]] [[Vitruvius]] (81–15 v.C.) gekom het en waarvolgens boukuns as "die moeder van alle kunste" gedefinieer word, word daar van drie grondbeginsels van argitektuur gepraat: