Zandra Bezuidenhout: Verskil tussen weergawes

 

Haar gedigte word opgeneem in versamelbundels soos “''Groot verseboek''”, “''Honderd jaar later''”, “''As die son kom oogknip''” en die Nederlandse “''Tegen beter weten''”. Vir laasgenoemde bundel is 450 inskrywings ontvang van oor die hele Nederlandse taalgebied en haar gedig “''Apollo in sy laboratorium''” verower die vierde plek en is een van dertig wat in die bundel opgeneem word. Nederlandse vertalings van haar gedigte deur Jacqueline Caenberghs verskyn in 2001 in die Vlaamse letterkundige tydskrif ''Deus ex Machina''. ’n Program van ''Vers en klank''<ref name="ReferenceA" /> oor die radio word in Januarie 2001 geheel aan haar poësie gewy. In 2020 word haar gedigte ‘Falliese vrou’, ‘Primitief’ en ‘Moeder en kriek’ in ''Vers en vrou'' opgeneem. <ref>De Wet, K. (samest.) Vers & vrou. Kaapstad: Human & Rousseau. 2020</ref>

 

Sy skryf ook kortverhale en “''Die afskop – Januariewind''” word in die versamelbundel “''Kosblik''” opgeneem, wat deur [[Nicole Strauss|Nicole Jaekel Strauss]] saamgestel is. Van haar artikels en resensies verskyn in publikasies soos ''Die Burger'', ''Beeld'', ''Literator'', ''Tydskrif vir Letterkunde'', ''Insig'' en ''Stilet'' en op die webwerf LitNet. As vertaler is sy verantwoordelik vir die vertaling van Fred de Vries se “''Rigtingbedonnerd: Op die spoor van die Afrikaner post-'94''” uit die Nederlands.