Keysersrivier: Verskil tussen weergawes

rivier in die Wes-Kaap, Suid-Afrika
Content deleted Content added
AFM (besprekings | bydraes)
Nuwe bladsy geskep met 'Die '''Keysersrivier''' is ‘n stroom in die Constantiavallei in die Kaapse Skiereiland. Dit ontspring op Hoog Constantia by Constantianek net ten noorde van Gro...'
(Geen verskil)

Wysiging soos op 14:13, 10 September 2020

Die Keysersrivier is ‘n stroom in die Constantiavallei in die Kaapse Skiereiland.

Dit ontspring op Hoog Constantia by Constantianek net ten noorde van Groot Constantia. Daarna vloei dit oos na Pagasvlei en van daar suidwaarts aan die westekant van die Simon van der Stel-snelweg. Net voordat die rivier by The Lonely Bridge ooswaarts onderdeur die snelweg vloei, sluit die Prinskasteelrivier van die westekant aan. Die versterkte rivier loop nou suid van die Louwsvlei en noord van die Blue Route-winkelsentrum verby ooswaarts na die Retreat-nywerheidsgebied. In hierdie industrieterrein loop die Spaanschematrivier in die Keysersrivier. Saam vloei hulle net effens verder om in die Sandvlei tussen Lakeside en Marina da Gama uit te mond. Al hierdie riviertjies is teenswoordig grotendeels gekanaliseer.

Volgens oorlewering dra die riviertjie die naam van Johannes Kaiser wat glo daarin verdrink het.

Bibliografie

  • Burman, Jose: Safe to the sea. Kaapstad: Human & Rousseau, 1962.