Kronos: Verskil tussen weergawes

'''Kronos''' ([[Grieks]]: ''Κρόνος'') was in die [[Griekse mitologie]] die leier en die jongste van die eerste generasie [[Titaan (mitologie)|Titane]], goddelike afstammelinge van [[Gaia (mitologie)|Gaia]], die [[Aarde]], en [[Uranos]], die [[Aarde se atmosfeer|Lug]]. Hy het sy pa omvergewerp as leier en het tydens die sogenaamde Goue Era regeer tot hy weer deur sy seuns [[Zeus]], [[Hades]] en [[Poseidon]] omvergewerp en in [[Tartarus]] gevange gehou is. Sy eweknie in die [[Romeinse mitologie]] is [[Saturnus (mitologie)|Saturnus]].<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref>

Vanweë sy verbintenis met die voortreflike Goue Era is Kronos aanbid as ’n [[god]] van die [[landbou]] en die oes. Hy word gewoonlik uitgebeeld met ’n [[sekel]] wat hy gebruik om gewasse te oes; dit is ook die wapen waarmee hy Uranos [[Kastrasie|ontman]] en omvergewerp het.