Russiese Bevrydingsleër: Verskil tussen weergawes

Nazi-Duitse militêre eenheid wat meestal saamgestel is uit Sowjet-oorlopers in die Tweede Wêreldoorlog
Content deleted Content added
Geskep deur die bladsy "Rusa Liberiga Armeo" te vertaal
(Geen verskil)

Wysiging soos op 16:52, 26 September 2020

Die Russiese Bevrydingsleër ( Russies: Русская освободительная армия, Russkaya osvoboditelnaja armija), afgekort as Russies: РОА, ROA, ook bekend as Vlasov-leër ( Russies: Власовская армия, Vlasovskaya armija) was 'n formasie, hoofsaaklik saamgestel uit Russe, wat tydens die Tweede Wêreldoorlog onder Duitse bevel geveg het. Die leër was gelei deur Andrei Vlasov, 'n generaal van die Rooi Leër wat in 1942 gevang is en ingestem het om met Duitsers saam te werk, en daar word dikwels na lede van die leër verwys as vlasovci ( Russies: власовцы ). In 1944 het dit bekend geword as Krygsmag van die Komitee vir die Bevryding van die Volke van Rusland ( Russies: Вооружённые силы Комитета освобождения народов России, Voorujonnije sili Komiteta osvoboĵdenija narodov Rossii, afgekort as Russies: ВС КОНР, VS KONR).

Vlasov het ingestem om met Nazi-Duitsland saam te werk nadat hy aan die Oosfront gevange geneem is. Die soldate onder sy bevel was hoofsaaklik voormalige Sowjet-krygsgevangenes, maar het ook Wit-Russiese emigrante ingesluit, waarvan sommige veterane van die antikommunistiese Wit Leër uit die Russiese burgeroorlog was. Op 14 November 1944 is dit amptelik herdoop tot die Weermag van die Komitee vir die Bevryding van die Volke van Rusland, en die KONR is gestig as 'n politieke korps waaraan die leër trou gesweer het. Op 28 Januarie 1945 word amptelik verklaar dat die Russiese afdelings nie meer deel uitmaak van die Duitse leër nie, maar direk onder die bevel van KONR sal wees.

In 1945 is die meerderheid offisiere van die Vlassov-leër (ook Vlassov self) deur die Sowjette gevange geneem, in 1946 verhoor en tereggestel. Diegene wat daarin geslaag het om te ontsnap, het hulle later in Duitsland, die VSA, Kanada of Australië gevestig.

Bibliografie

  • The Gulag Archipelago: 1918-1956 de Aleksandr I. Solzhenitsyn
  • Army of the Damned: on Twentieth Century - CBS Documentary Documentary Series - December 1962
  • Fersen, Nicholas. Corridor of Honour. Bobbs-Merrill, Indianapolis 1958.