Muur van Hadrianus: Verskil tussen weergawes

Die '''Muur van Hadrianus''' is 'n antieke [[Romeinse Ryk|Romeinse]] grens- en verdedigingslinie in [[Noord-Engeland]] wat oor 'n afstand van 73 myl (117 km) van die Solway Firth aan die [[Ierse See]] ooswaarts tot die oewers van die River Tyne naby die [[Noordsee]] strek. Die muur is tussen 122 en 128/30 n.C. tydens die regentskap van keiser [[Hadrianus]] as die Romeinse Ryk se mees noordelike grenslyn gebou om die Romeinse provinsie [[Britannia (provinsie)|Britannia]] teen aanvalle van Pikte en Skotte uit die noorde te beskerm. Langs die muur het forte, wagtorings en nedersettings ontstaan. Die Muur van Hadrianus het as aktiewe verdedigingslinie tot 383 bestaan. In 410 het Romeinse magte volledig uit Britannia onttrek.