Israël David Kiek: Verskil tussen weergawes
Content deleted Content added
No edit summary |
No edit summary |
||
Lyn 30:
'''Israël David Kiek''' was 'n vroeë portretfotograaf wie se naam vir ons verewig is in die woord kiekie (kiekje in Nederlands). 'n Kiekie is 'n informele, pretensielose amateurfoto wat met byvoorbeeld 'n bokskamera geneem sou word en veral vroeër dikwels saam met soortgelyke foto's tuis bewaar sou gewees het in ’n fotoalbum.
Kiek, wat in die 19de eeu in [[Nederland]] gewoon en gewerk het, het visitekaartjies geskep, maar was veral bekend as 'n fotograaf van studente aan die [[Universiteit van Leiden]]. Hulle het gereeld groepsportrette deur Kiek laat neem by sy onderning aan die Rijnsburgersingel. Groepe studente sou taks vroegoggend daar opdaag nadat hulle die nag deur gefuif het en aan die deur kom hamer om hom wakker te maak om hul foto te neem. Die lastigvallende studente het naderhand so uitgerafel dat Kiek 'n heining en 'n ophaalbrug laat installeer het om hulle uit te hou.
Die studenteportrette was dikwels geen wafferse foto's nie. Mense wat destyds hul foto's laat neem het, moes 'n tyd lank stilsit, iets wat die aangeklamde studente erg moeilik gevind het. Hulle het dus gereeld dof op die foto's vertoon. Die informele studentefoto's, wat so anders gelyk het as die hoogs formele portrette van destyds, is mettertyd kiekies genoem, 'n woord wat hom knus in Nederlands sou vestig en hom ook in die Afrikaanse leksikon sou tuismaak.
| |||