Provo: Verskil tussen weergawes
Content deleted Content added
kNo edit summary Etiket: 2017-bronwysiging |
kNo edit summary Etiket: 2017-bronwysiging |
||
Lyn 1:
'''Provo''' [ˈproʊvoʊ] is die tweede grootste stedelike nedersetting in die [[Verenigde State van Amerika|Amerikaanse]] deelstaat [[Utah]] met 'n bevolking van meer as 116 000 in 2019. Provo is sowat 43 myl (69 km) suid van [[Salt Lake City]] in die sentrale gedeelte van die Utahvallei (''Utah Valley'', die eerste vallei net suid van die Groot Soutmeervallei) geleë en maak deel uit van die metropolitaanse gebied Wasatch Front wat naas Salt Lake City en Provo ook West Jordan, Layton en Ogden insluit. Met 2,2 miljoen inwoners is vier vyfdes van Utah se bevolking in hierdie gebied saamgetrek. Provo word in die ooste deur bergpieke begrens wat deel uitmaak van die Wasatch Front-bergreeks, en in die weste deur die [[Utahmeer]], die derde grootste varswatermeer wes van die [[Mississippi]] en een van die ontspanningsgebiede in Provo se nabye omgewing.
Provo word deur dieselfde stadsuitleg gekenmerk soos Salt Lake City, met 'n netwerk van breë strate wat deur die vroeë setlaars en stadstigters, lede van die [[Kerk van Jesus Christus van die Heiliges van die Laaste Dae]], aangelê is, maar verskil van die deelstaathoofstad deur die godsdienstige samestelling van sy bevolking - byna 90 persent van Provo se bevolking is Kerklidmate. Die stadskarakter word verder beïnvloed deur die [[Brigham Young-universiteit]] (BYU) met sowat 30 000 studente wat sy setel in Provo het. BYU maak deel uit van die Kerk van Jesus Christus van die Heiliges van die Laaste Dae se ambisieuse opleidingsprogram en word dikwels as die Kerk se intellektuele sentrum beskryf.<ref>Allan Kent Powell: ''Utah Guide''. Derde uitgawe. Golden, Colorado: Fulcrum Publishing 2003, bl. 124</ref> Die universiteit, tans die grootste tersiêre instelling in die Verenigde State wat deur 'n godsdienstige instelling bedryf word, lok veral jong Kerklidmate, maar het nogtans 'n sterk kosmopolitiese karakter danksy die internasionale herkoms van sy studente en die feit dat baie van hulle voor hul akademiese opleiding sendingwerk in die buiteland gedoen het. BYU is een van die grootste werkverskaffers in Provo.
== Eksterne skakels ==
| |||