[[Lêer:Word for Saturday in European Languages.svg|duimnael|400px|Kaart wat die name vir Saterdag in Europese tale vertoon.]]
'''Saterdag''' is die weeksdag tussen [[Vrydag]] en [[Sondag]]. Die naam is uniek tussen al die ander dagname, omdat dit afkomstig is van die [[Romeinse Ryk|Romeinse]] god [[Saturnus (mitologie)|Saturnus]], terwyl die ander ses afkomstig van [[Sakse|Saksiese]] gode is. Die naam beteken "Saturnus se dag".
Tradisioneel vanaf antieke [[Judaïsme|Jode]] is Saterdag die laaste dag van die week, en is steeds standaard in die [[Verenigde State van Amerika]] en die [[Verenigde Koninkryk]], alhoewel moderne [[Europa]] deesdae Saterdag as die sesde (tweede-laaste) dag van die week sien - hierdie konvensie is geformaliseer deur [[ISO 8601]].
In antieke [[Judaïsme|Joodse]] tradisie is Saterdag die [[sabbat]]. Baie tale ontbreek aparte woorde vir "Saterdag" en "sabbat": Oosters Ortodokse kerke onderskei tussen die ''sabbat'' (Saterdag) en die ''Here se dag'' (Sondag), en [[Rooms-Katolieke Kerk]]e plaas só min klem op die onderskeid dat die meeste onder hulle die [[Protestant]]se gebruik—ten minste in omgangstaal—volg deur Sondag die sabbat te noem.
In [[Skandinawië|Skandinawiese]] lande word Saterdag "''Lördag''" of "''Löverdag''" genoem, wat afgelei is van die woord "''laugr''" wat "bad" beteken.
Die moderne [[Maori (taal)|Māori]] naam is "''Rahoroi''", wat "wasdag" beteken.
Saterdag is deel van die naweek, en tradisioneel 'n dag van ontspanning. Baie partytjies word ook dan gehou, juis omdat dit Sondag - nog 'n rusdag - voorafgaan, en klubs, kroeë en restaurante is gewoonlik later oop op Saterdae as ander weeksaande.
Saterdag is die algemene dag vir [[verkiesing]]s in [[Australië]].
