Tobie Muller: Verskil tussen weergawes

== Universiteitsopleiding ==

Aan die [[Universiteit Stellenbosch|Victoria-kollege]] het Muller hom op elke gebied onderskei en sy medestudente het hom dan ook in die hoogste posisies geplaas.<ref>{{af}} [[P.J. Nienaber|Nienaber, P.J.]] 1949. ''Hier Is Ons Skrywers! Biografiese Sketse van Afrikaanse Skrywers''. Johannesburg: Afrikaanse Pers-Boekhandel.</ref> Drie jaar nadat hy matriek geslaag het, het hy die B.A.-graad met onderskeiding behaal en hierdeur 'n beurs van £400 verwerf. Terselfdertyd is 'n [[Rhodes-beurs]] van £300<ref>{{af}} Bosch, J.A. 1962. ''Eeufeesgedenkboek van die N.G. gemeente Philippolis, 1862–1962''. Philippolis: Eeufeesreëlingskomitee.</ref> aan hom toegeken vir driejarige studie aan die [[Universiteit van Oxford]]. Volgens dr. [[P.J. Nienaber|Nienaber]] het hy toe getoon dat hy "deur en deur 'n Afrikaner was – nie alleen in teorie nie", want hy het die Rhodes-beurs van die hand gewys "omdat hy nie geld kon aanneem van 'n man wie se politiek hy verfoei het nie" en "omdat hy hom nie met die Britse imperialisme kon vereenselwig waarvan [[Cecil John Rhodes|C.J. Rhodes]] vir hom die sinnebeeld was nie". Met hierdie besluit, "waardeur hy ook aansienlike stoflike voordeel prysgegee het, tree die nasietrots en vaderlandsliefde wat steeds sy optrede sou kenmerk, reeds sterk te voorskyn en verwerf hy die agting van tydgenote en selfs van andersdenkendes".<ref>{{af}} De Kock, W.J. 1968. ''[[Suid-Afrikaanse Biografiese Woordeboek]], deel I''. Kaapstad: Nasionale Boekhandel Beperk.</ref>

 

Dit was omstreeks dié tyd dat hy vir die eerste keer aan sy moeder sy besluit bekendgemaak het om sy lewe aan die evangeliebediening te wy.<ref>{{af}} Bosch, J.A. 1962. ''Eeufeesgedenkboek van die N.G. gemeente Philippolis, 1862–1962''. Philippolis: Eeufeesreëlingskomitee.</ref> Hy het hom na die [[Kweekskool]] gewend waar hy aan die einde van 1905 die admissie-eksamen met die hoogste lof afgelê het. Aan die einde van die volgende jaar het hy ook nog die M.A.-graad in wysbegeerte verwerf aan die Universiteit van die Kaap die Goeie Hoop en in 1909 die B.D.-graad van die Londense universiteit.<ref>{{af}} De Kock, W.J. 1968. ''[[Suid-Afrikaanse Biografiese Woordeboek]], deel I''. Kaapstad: Nasionale Boekhandel Beperk.</ref>