Geskiedenis van Afrikaans: Verskil tussen weergawes

==== Tweede taalbeweging ====

[[Lêer:Die Brandwag00.jpg|duimnael|links|''[[Die Brandwag]]'', [[1 November]] [[1910]].]]

Op 13 Desember 1905 is die [[Afrikaanse Taalgenootskap]] op 'n kongres in Pretoria gestig onder leiding van [[Gustav Preller]]. Die doel van die Afrikaanse Taalgenootskap volgens Preller was: "Afrikaans schrijven en spreken, Hollands leren, albei lezen."<ref name="Vill179">A. de Villiers: Die Hollandse Taalbeweging in Suid-Afrika, Kaapstad, 1936, bl.179</ref>Op 3 November 1906 is deur die voorstanders van Afrikaans, in Kaapstad, die [[Afrikaanse Taalvereniging]] (ATV) gestig, onder leiding van [[J.H.H. de Waal]]. Die leuse van die ATV was: "Leer Nederlands, schrijf Nederlands als ge kunt en wilt, maar als ge niet kunt of wilt, schrijf dan niet Engels, maar Afrikaans."<ref>J.du P. Scholtz: Wording en Ontwikkeling van Afrikaans, Kaapstad, Tafelberg uitgewers, 1980, bl. 18</ref>Die stigting van die Afrikaanse Taalvereniging en die Afrikaanse Taalgenootskap word beskou as die aanvang van die Tweede [[Afrikaanse Beweging|Afrikaanse Taalbeweging]]. Die mondstuk van die ATV, ''Ons Moedertaal'', was die voorloper van [[Die Huisgenoot]] en was tot sy oorname deur laasgenoemde in 1915 onder redaksie van prof. Tobie Muller, [[Gordon Tomlinson]] en prof. [[Johannes J. Smith|J.J. Smith]] (in volksmond bekend as die "driemanskap").