Gordon Tomlinson: Verskil tussen weergawes

 

=== Studentelewe ===

Tomlinson het aktief aan die kulturele bedrywighede van die studentegemeenskap op [[Stellenbosch]] deelgeneem. Hy het spoedig aandag getrek deur sy optrede in die Debatsvereniging en die bekroning van sy skets ‘Aasvoël’ wat in die ''South African News'' verskyn het. Ná slegs ’n paar maande op [[Stellenbosch]] het hy reeds in die redaksie van die ''Stellenbosch Students Quarterly'' gedien. Tomlinson het ’n merkwaardige rol in die studente-aktiwiteite op [[Stellenbosch]] gespeel. Weinig studente voor of ná sy tyd het hom hierin geëwenaar. Hy was by geleentheid redakteur van die studenteblad, voorsitter van die studenteraad, redakteur van ''Ons Moedertaal''<ref>[http://152.111.1.88/argief/berigte/beeld/2013/08/14/B1/14/B1012-StoryG.html ''Afrikaans hou aan groei en bly altyd vars''], ''[[Beeld]]'', [[14 Augustus]] [[2013]].</ref> en voorsitter van die Stellenbosse tak van die Afrikaanse Taalvereniging (ATV). Daarbenewens het hy ook hoofrolle vertolk in toneelopvoerings.

 

=== Taalstryd ===

Tydens sy verblyf op Stellenbosch het hy kennis gemaak met prof. [[Tobie Muller|T.B. (Tobie) Muller]] en ’n hegte vriendskap het tussen hulle ontstaan. Albei was vurige kampvegters vir [[Afrikaans]] en onder hulle leiding is in [[1907]] ’n tak van die ATV op [[Stellenbosch]] gestig. Dit was veral tydens Tomlinson se tweede verblyf op [[Stellenbosch]], van [[1911]] af, dat die stryd vir [[Afrikaans]] deur middel van hierdie vereniging met groot geesdrif op [[Stellenbosch]] aangepak en deurgevoer is. Prof. Tobie Muller en Tomlinson is in hul strewe versterk deur die terugkeer van [[Johannes J. Smith|J.J. Smith]] na [[Stellenbosch]] en hierdie driemanskap het landswyd bekend geraak vir hul aandeel in die taalstryd. Hulle het ’n belangrike rol gespeel in die [[Afrikaanse Taalbeweging#Tweede Taalbeweging|Tweede Taalbeweging]]. ''Ons Moedertaal'', die blad van die ATV, het met Muller, Tomlinson en Smith in die redaksie tot stand gekom en in die middel punt van die Taalbeweging gestaan, totdat dit in [[1915]] deur ''[[Die Huisgenoot]]'' oorgeneem is.