Jack Goldstone: Verskil tussen weergawes

Content deleted Content added
Sobaka (besprekings | bydraes)
Begin 'n nuwe artikel, nog besigǃ
(Geen verskil)

Wysiging soos op 11:14, 12 Desember 2020

Jack A. Goldstone (gebore op 30 September 1953) is 'n Amerikaanse sosioloog, politieke wetenskaplike en historikus, wat spesialiseer in studies van sosiale bewegings, revolusies, politieke demografie en die "Opkoms van die Weste" in die wêreldgeskiedenis. Hy is 'n outeur of redakteur van 13 boeke en meer as 150 navorsingsartikels. Hy word erken as een van die voorste kenners oor die studie van revolusies en langtermyn sosiale verandering.[1] Sy werk het grondliggende bydraes gelewer tot die velde van kliodinamika, ekonomiese geskiedenis en politieke demografie[2][3][4] Hy was die eerste geleerde wat die langtermyn sikliese verband tussen wêreldwye bevolkingsiklusse en siklusse van politieke rebellie en rewolusie in detail beskryf en gedokumenteer het.[5] Hy was ook 'n kernlid van die 'Kaliforniese skool' in die wêreldgeskiedenis, wat die standaardbeskouing van 'n dinamiese Weste en stilstaande Ooste vervang het met 'n 'laat divergensie'-model waarin Oosterse en Westerse beskawings soortgelyke politieke en ekonomiese siklusse ondergaan het tot die 18de eeu, toe Europa die tegniese deurbrake van industrialisering behaal het.[6] Hy is ook een van die grondleggers van die opkomende veld van politieke demografie en bestudeer die impak van plaaslike, streeks- en wêreldbevolkingstendense op internasionale veiligheid en nasionale politiek.[7]

Goldstone is die Virginia E. en John T. Hazel, professor in openbare beleid en prominente geleerde aan die Schar School of Policy and Government aan die George Mason Universiteit in Arlington, Virginië. In 2016 was hy die Elman Family Professor of Public Policy aan die Hong Kong University of Science and Technology en direkteur van die HKUST Institute for Public Policy.[8][9][10] In 2013–2015 was hy die stigterslid van die Research Laboratory in Social Macrodynamics by die Russiese Akademie vir Nasionale Ekonomie en Openbare Administrasie in Moskou. Hy het ook gewerk as 'n konsultant van die Amerikaanse regering, byvoorbeeld as voorsitter van die Nasionale Navorsingsraad se evaluering van USAID Democracy Assistance Programs.[11] Hy is ook 'n nie-inwonende senior genoot aan die Brookings Institution, en direkteur van die navorsingslaboratorium in politieke demografie en makrososiale dinamika aan die Russiese presidensiële akademie vir nasionale ekonomie en openbare administrasie in Moskou.

Sy akademiese toekennings sluit in die American Sociological Association Distinguished Scholarly Publication Award, vir Revolution and Rebellion in the Early Modern World en die Myron Weiner-toekenning vir lewenslange akademiese prestasies van die International Studies Association. Hy het ook die Arnaldo Momigliano-toekenning van die Historiese Vereniging verower, en sewe toekennings vir 'beste artikel' op die gebied van vergelykende / historiese sosiologie, politieke sosiologie, sosiale teorie, en kollektiewe gedrag en sosiale bewegings. Hy het beurse gewen van die Council of Learned Societies, die US Institute of Peace, die MacArthur Foundation, die Australian Research School of Social Sciences, die Canadian Institute for Advanced Research, die Centre for Advanced Study in the Behavioral Sciences, en is gekies lid van die Raad vir Buitelandse Sake en die Vereniging vir Sosiologiese Navorsing. Hy was die Richard Holbrooke besoekende dosent aan die American Academy in Berlyn, die Crayborough-dosent aan die Universiteit van Leiden en 'n Phi Beta Kappa National Visiting Scholar.

Werke

  • Phases of global demographic transition correlate with phases of the Great Divergence and Great Convergence, Technological Forecasting and Social Change (2015)
  • Revolutions: A Very Short Introduction (2014)
  • Political Demography: How Population Changes are Reshaping International Security and National Politics co-edited with Eric P. Kaufmann and Monica Duffy Toft (2012)
  • Understanding the Revolutions of 2011: Weakness and Resilience in Middle Eastern Autocracies Foreign Affairs (2011)
  • "The New Population Bomb", Foreign Affairs (2010)
  • Why Europe? The Rise of the West in World History 1500–1850 (2008)
  • States, Parties, and Social Movements (2003)
  • Goldstone, Jack A. (2016) [1991]. Revolution and Rebellion in the Early Modern World: Population Change and State Breakdown in England, France, Turkey, and China,1600-1850 (25th Anniversary uitg.). Routledge. ISBN 9781315408606. Besoek op 22 November 2020.
  • Revolutions of the Late Twentieth Century (1991)

Sien ook

Verwysings

  1. "Distinguished Scholarly Book Award". American Sociological Association (in Engels). 22 April 2016. Besoek op 3 Januarie 2019.
  2. Turchin, Peter. "Cliodynamics: can science decode the laws of history?". The Conversation (in Engels). Besoek op 3 Januarie 2019.
  3. Goldstone, Jack (2002). "Efflorescences and Economic Growth in World History".
  4. Political Demography: How Population Changes Are Reshaping International Security and National Politics. Oxford, New York: Oxford University Press. 31 Desember 2011. ISBN 9780199945962.
  5. Goldstone, Jack A. (2 April 1991). Revolution and Rebellion in the Early Modern World (in Engels). University of California Press. ISBN 9780520913752.
  6. Sien, bv Phases of global demographic transition correlate with phases of the Great Divergence and Great Convergence. Technological Forecasting and Social Change. Volume 95, Junie 2015, Pages 163–169 (met Andrei Korotajef]] & Julia Zinkina).
  7. 1957-, Turchin, Peter (2 Oktober 2016). Ages of discord : a structural-demographic analysis of American history. Chaplin, Connecticut. ISBN 9780996139540. OCLC 960053741.{{cite book}}: AS1-onderhoud: meer as een naam (link) AS1-onderhoud: plek sonder uitgewer (link) CS1 maint: numeric names: authors list (link)
  8. "Director of HKUST Institute for Public Policy".
  9. "HKUST Holds Third Inauguration Ceremony of Named Professorships for Outstanding Faculty Members". 9 Maart 2016.
  10. "I'm Back!". 13 Maart 2016.
  11. National Research Council, Committee on Evaluation of USAID Democracy Assistance Programs (2008). Goldstone, Jack A. (red.). Improving democracy assistance: Building knowledge through evaluations and research. ISBN 978-0-309-11736-4. {{cite book}}: Ongeldige |ref=harv (hulp)

Verdere leeswerk

Eksterne skakel

Hierdie artikel is in sy geheel of gedeeltelik vanuit die Engelse Wikipedia vertaal.