KGB: Verskil tussen weergawes

Die '''KGB''' ([[Russies]]: Комите́т Госуда́рственной Безопа́сности (КГБ), ''Komitjet Gosoedarstwennoi Bezopasnosti'', <small>IPA:</small> [kəmʲɪˈtʲet ɡəsʊˈdarstvʲɪnːəj bʲɪzɐˈpasnəsʲtʲɪ]), in [[Afrikaans]] vertaal as die '''Komitee vir Staatsveiligheid''', was van 1954 tot met die ontbinding daarvan in 1991 die belangrikste veiligheidsagentskap van die [[Sowjetunie]]. Dit was 'n direkte opvolger van voorafgaande agentskappe soos die [[FSB#Van die Tsjeka tot die FSB|Tsjeka, NKVD en MGB]]. Dit was die belangrikste regeringsagentskap met "unierepubliekjurisdiksie", wat as interne veiligheid, intelligensie en geheime polisie gefunksioneer het. Soortgelyke agentskappe is in elk van die republieke van die Sowjetunie benewens die [[Russiese Sosialistiese Federale Sowjetrepubliek|Russiese SFSR]] saamgestel, en het bestaan uit verskeie plaaslike ministeries, staatskomitees en staatskommissies.