Bankeveld

Die Transvaalse Bankeveld is ‘n streek tussen die Drakensberge en die Lebomboberge.

Dit bestaan uit die Timeball-heuwels, die Daspoortreeks en die Magaliesberge. Laasgenoemde word verleng in die Enzelberg.

In die suidelike gedeelte van die Bankeveld is tussen die granietheuwels breë valleie met standhoudende riviere soos die Spekboomrivier en die Watervalrivier. In die noordelike deel is die bolope van die Olifantsrivier en die Steelpoortrivier die grootste deel van die jaar droog.

Landbou in die streek is beperk tot die valleie, want die heuwels is steil en boonop bedek met ‘n te dun laag grond. Die valleie is beskut en die winters gematig. Weens die lae en wisselvallige reënval is die landbou afhanklik van besproeiing.

Geoloë en argeoloë stel baie belang in die gebied. Daar bestaan meningsverskil oor die grense van die Bankeveld.

Lees ook

• Lys van streeksname in Suid-Afrika

Bibliografie

• Raper, P.E.: Streekname in Suid-Afrika en Suidwes. Naamkundereeks, nr. 1. Kaapstad: Tafelberg-uitgewers vir die Raad vir Geesteswetenskaplike Navorsing, 1972. ISBN 0-624-00182-2