Trojaanse Oorlog: Verskil tussen weergawes
Content deleted Content added
Uitgebrei, besig |
Besig |
||
Lyn 14:
Of daar enige historiese feite in die verhaal van die Trojaanse Oorlog is, word steeds oor gedebatteer. Baie geleerders glo dit het ’n historiese kern, maar dit kan bloot beteken die Homeriese stories is ’n vermenging van verskeie verhale van oorwinnings en ekspedisies deur [[Miceense Griekeland|Miceense Grieke]] in die [[Bronstydperk]]. Dié wat glo die stories handel oor ’n werklike historiese konflik, meen gewoonlik dit dateer van die 12de of 11de eeu v.C. Die datums wat verkies word, is dié wat deur [[Eratosthenes]] aangegee word: 1194-1184 v.C., wat rofweg ooreenstem met argeologiese bewyse van ’n katastrofiese brand wat [[Troje#Troje VII|Troje VII]] verwoes het<ref>Wood (1985: 116–118)</ref> en die einde van die Laat Bronstydperk.
==Bronne==
[[Beeld:P. Oxy. 20.jpg|thumb|links|180px|Fragment uit die tweede boek van die ''Ilias''.]]
Die gebeure van die Trojaanse Oorlog word aangetref in baie Griekse [[letterkunde|letterkundige]] werke en word uitgebeeld op talle Griekse [[kuns]]werke. Daar is geen enkele, gesaghebbende bron wat die hele verhaal vertel nie. Dit is eerder saamgestel uit ’n verskeidenheid bronne, waarvan sommige teenstrydige weergawes bevat.
Die belangrikste letterkundige bronne is die twee epiese gedigte wat tradisioneel aan [[Homeros]] toegeskryf word, die ''[[Ilias]]'' en die ''[[Odussee]]'', wat iewers tussen die 9de en die 6de eeu v.C. saamgestel is.<ref>Wood (1985: 19)</ref> Elke gedig handel oor net ’n deel van die oorlog. Die ''Ilias'' dek ’n kort tydperk in die laaste jaar van die beleg van Troje, terwyl die ''Odussee'' handel oor Odusseus se terugkeer na sy tuiste ná die verwoesting van Troje; dit bevat verskeie terugflitse oor spesifieke gebeure in die oorlog.
Ander dele van die Trojaanse Oorlog word vertel in die gedigte van die [[Epiese Siklus]]. Hoewel net fragmente van die gedigte bewaar gebly het, is die inhoud daarvan bekend uit ’n opsomming in [[Eutychios Proklos|Proklos]] se ''Chrestomatie''. Dit is onbekend wie die Epiese Siklus geskryf het. Daar word algemeen geglo die gedigte is in die 7de en 6de eeu v.C. geskryf, ná die samestelling van die Homeriese gedigte, maar daar word algemeen aanvaar hulle is op vroeëre tradisies geskoei.<ref>Burgess, pp. 10–12; cf. W. Kullmann (1960), ''Die Quellen der Ilias''.</ref>
Beide die Homeriese gedigte en die Epiese Siklus se oorsprong is mondelinge tradisie. Selfs nadat hierdie gedigte geskryf is, is die mites van die Trojaanse Oorlog mondelings oorgedra in baie [[genre]]s van die digkuns en deur niepoëtiese oorlewerings. Gebeure en besonderhede wat eers in die werk van latere skrywers voorkom, is mondelings oorgedra en kan so oud soos die Homeriese gedigte wees. Visuele kuns, soos geverfde vase, is nog ’n medium waarin die mites van die oorlog gesirkuleer is.<ref>Burgess, pp. 3–4.</ref>
In latere tydperke het [[dramaturg]]e, [[Historikus|historici]] en ander intellektuele werke geskryf wat deur die Trojaanse Oorlog geïnspireer is. Die drie groot tragedieskrywers van [[Athene]] – [[Aischulos]], [[Sophokles]] en [[Euripides]] – het verskeie dramas geskryf wat episodes van die oorlog uitbeeld. Onder [[Romeinse Ryk|Romeinse]] skrywers was die belangrikstes die 1ste-eeuse digter [[Vergilius]]; in Boek 2 van sy ''[[Eneïde]]'' vertel [[Eneas]] van die verwoesting van Troje.
==Verwysings==
| |||