Trojaanse Oorlog: Verskil tussen weergawes

Content deleted Content added
Besig
Besig
Lyn 44:
 
Dit word ondersteun deur Hesiodos se weergawe:<blockquote>Nou was al die gode deur twis verdeel; want op presies dié tyd het Zeus, wat van hoog af donder, wonderlike planne beraam, selfs om storms en orkane oor die hele aarde los te laat, en hy was haastig om ’n totale einde te maak aan sterflike mense; hy het verklaar dat hy die lewe van die halfgode sou vernietig, dat die kinders van die gode nie moet paar met armsalige sterflikes nie, want hy het hulle lot met sy eie oë gesien; maar dat die geseënde gode van toe af, nes voorheen, hulle lewe en woonplekke afsonderlik van mense moes hou. Maar op dié wat uit beide onsterflikes en mense gebore is, het Zeus waarlik ’n geswoeg en verdriet op verdriet toegewens.<ref>''Berlin Papyri, No. 9739''; Hesiodos. ''Catalogue of Women Fragment'' ''68.'' Vertaal deur Evelyn-White, H.G. Loeb Classical Library Volume 57. Londen: William Heinemann, 1914</ref></blockquote>
 
====Paris se beslissing====
[[Beeld:Enrique Simonet - El Juicio de Paris - 1904.jpg|thumb|220px|''Paris se beslissing'' (1904), deur Enrique Simonet.]]
Zeus het by óf [[Temis]]<ref>Apollonius Rhodius 4.757.</ref> óf [[Prometeus]] gehoor dat hy, nes sy pa, Kronos, deur een van sy seuns omvergewerp sou word. Volgens nog ’n profesie sou ’n seun van die seenimf [[Tetis (mitologie)|Tetis]], op wie Zeus verlief geraak het nadat hy haar aan die Griekse kus gesien het, groter word as sy pa.<ref>Scholiast oor Homeros se ''Ilias''; Hyginus, ''Fabulae'' 54; Ovidius, ''Metamorfoses'' 11.217.</ref> Moontlik om dié rede<ref>Apollodorus, ''Library'' 3.168.</ref> het Zeus opdrag gegee dat Tetis met ’n ouerige sterflike koning, [[Peleus]], trou.<ref>Pindar, ''Nemean'' 5 ep2; Pindar, ''Isthmian'' 8 str3–str5.</ref> Of miskien wou Tetis Hera, wat haar grootgemaak het, behaag.<ref>Hesiodos, ''Catalogue of Women'' fr. 57; ''Cypria'' fr. 4.</ref>
 
Al die gode is na Peleus en Tetis se troue genooi en hulle het baie presente gebring.<ref>Photius, ''Myrobiblion'' 190.</ref> Zeus het egter opdrag gegee dat Eris, die godin van onenigheid, by die deur deur [[Hermes]] voorgekeer word.<ref>P.Oxy. 56, 3829 (L. Koppel, 1989)</ref> Sy was beledig en het ’n geskenk van die deur af gegooi:<ref name="Hyginus, Fabulae 92">Hyginus, ''Fabulae'' 92.</ref> ’n goue appel met die boodskap "vir die mooiste een".<ref>Apollodorus ''Epitome'' E.3.2</ref> Hera, Atena en Afrodite wou al drie die appel hê. ’n Rusie het ontstaan en nie een van die gode teenwoordig wou een uitsonder en die ander twee kwaad maak nie.
 
Eindelik het Zeus aan Hermes opdrag gegee om die drie godinne na Paris, ’n prins van Troje, te neem. Dié is, onbewus van sy koninklike herkoms, as ’n skaapwagter in Berg Ida grootgemaak<ref>Pausanias, 15.9.5.</ref> weens ’n profesie dat hy die ondergang van Troje sou bewerkstellig.<ref>Euripides ''Andromache'' 298; Div. i. 21; Apollodorus, ''Library'' 3.12.5.</ref> Nadat die drie godinne in die fontein van Ida gebad het, het hulle nakend voor hom verskyn – óf om sy guns te probeer wen óf op versoek van Paris. Paris kon nie besluit wie die mooiste is nie, en die godinne het hom probeer omkoop. Atena het hom wysheid en die vermoëns van die grootste vegters aangebied; Hera het hom politieke mag en beheer oor die hele [[Klein-Asië|Asië]] aangebied; en Afrodite het hom die liefde van die beeldskoonste vrou in die wêreld, Helena van Sparta, aangebied. Paris het in Afrodite se guns beslis en die appel aan haar toegeken. Ná verskeie avonture het Paris na Troje teruggekeer, waar sy koninklike familie hom erken het.
 
[[Beeld:Hydria Achilles weapons Louvre E869.jpg|thumb|links|220px|Tetis gee aan haar seun Achilles wapens wat deur [[Hefaistos]] gemaak is, 575-550 v.C.]]
Peleus en Tetis het ’n seun gehad en hom [[Achilles]] genoem. Daar is voorspel dat hy óf van ouderdom sou doodgaan ná ’n onopwindende lewe óf jonk op die slagveld sou sterf en deur poësie onsterflik word.<ref>Homer Iliad I.410</ref> Toe Achilles nege jaar oud was, het [[Kalchas]] voorspel dat Troje nooit weer sonder sy hulp sou val nie.<ref name="Apollodorus, Library 3.13.8">Apollodorus, ''Library'' 3.13.8.</ref>
 
Volgens ’n paar bronne het Tetis Achilles onsterflik probeer maak toe hy klein was. Sommige beweer sy het hom elke nag oor ’n vuur gehou om sy sterflike dele weg te brand en hom bedags met ambrosia (godespys) gesmeer, maar Peleus het daarvan uitgevind en dit stopgesit.<ref>Apollonius Rhodius [http://www.sacred-texts.com/cla/argo/argo49.htm#4.865-884 4.869–879]; Apollodorus, ''Library'' [http://www.perseus.tufts.edu/cgi-bin/ptext?lookup=Apollod.+3.13.6 3.13.6].</ref> Volgens sommige weergawes het Tetis al ’n paar seuns op dié manier doodgemaak, en Peleus se tussenkoms het dus Achilles se lewe gered.<ref>Frazer on Apollodorus, ''Library'' [http://www.perseus.tufts.edu/cgi-bin/ptext?lookup=Apollod.+3.13.6 3.13.6].</ref> Ander bronne beweer Tetis het Achilles gebad in die rivier [[Styx]], wat na die [[Hades|onderwêreld]] loop, en hom so onkwesbaar gemaak wanneer die water aan hom raak.<ref>Alluded to in Statius, ''Achilleid'' [http://www.thelatinlibrary.com/statius/achilleid1.shtml 1.269–270].</ref> Omdat sy hom aan sy hak (hiel) vasgehou het, het sy hak nie onder water gekom nie en het dit dus sterflik en kwesbaar gebly (vandaar die uitdrukking "Achilleshiel" vir ’n kwesbare plek of swakheid). Toe hy volwasse was, was hy die grootste van al die sterflike vegters. Ná Kalchas se profesie het Tetis Achilles in Skuros aan die hof van koning Lukomedes weggesteek, waar hy as ’n meisie vermom is.<ref>Hyginus, ''Fabulae'' 96.</ref> Op ’n kritieke punt in die oorlog het sy haar seun gehelp deur vir hom wapens te gee wat deur die god [[Hefaistos]] gemaak is.
 
==Verwysings==
{{Verwysings|3}}
 
==Skakels==