|
}}
[[Lêer:Editor_-_bronze_star.jpg|regs|duimnael|240px|[[:en:Wikipedia:Service_awards#Veteran Editor II (or Grand Tutnum)|Veteraanredakteur II]]<br/>(9 jaar, 12 000+)<br /><small>Toegeken deur Aliwal2012</small>]]
== [[Anne-Marie Beukes]] ==
Jongman, kan jy dalk help met 'n foto van prof. Beukes? Ek het haar gevra maat sy maar beskeie. Dankie vir jou opgradering van [[Afrikaanse Wikipedia]], so uit die perd se bek. Ek dink ook ons moet iets oor prof. Laurette Pretorius plaas, sy is Gebruiker:Petterual en daar is reeds 'n foto van haar daar. Kan jy dalk help hier? Ek het beide die twee proffessors laat weet 2020 gaan hulle jaar van Wikipedia wees, ek gaan nie laat los nie. Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 06:32, 18 Desember 2019 (UTC)
:Hoe oortuig mens 'n vrou dat sy oor 10 jaar waarskynlik, gegewe ons klimaat, meer plooie gaan hê as vandag? Jy wil tog hierdie stukkie jeug verewig op Wikipedia? Eenvoudig: jy kan nie. Iemand wat kamerasku is gaan mens nie kan oortuig nie. Ek kan ongelukkig nie hiermee help nie... Vra u vrou, dis vroumenssake... [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 20:26, 18 Desember 2019 (UTC)
== [[Gerda Steyn]] in Nederlands ==
Jongman, ek karing deesdae gereeld met die Nederlanders, iemand moet... Ek het hulle gevra om Gerda Steyn te vertaal na Nederland synde dat hulle meer artikles oor vroue wil plaas (iets wat ons ook dalk aan moet dink). Ons beredeneer die vertaling van ''bourekenar'', sien [https://nl.wikipedia.org/wiki/Overleg_gebruiker:Ellywa#Nog_%27n_vrou_uit_Suid-Afrika%21] Lees asb hier, my Nederlands is maar stadig. Ek is nou nie seker of ons saamstem of verskil nie... Moenie lag nie, jy gaan ook oud word! Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 08:19, 19 Desember 2019 (UTC)
:@[[Gebruiker:Oesjaar|Oesjaar]]: In Belgiese Nederlands is dit 'n ''bestekopmaker'', net soos vervat in die HAT. [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 11:14, 19 Desember 2019 (UTC)
== Hulp met vertaling ==
Jongman, ek vertrou dit gaan nog steeds goed! Vir, die rekord: is daar 'n Mev Suidpunt? Ek soek hulp met die vertaling van die byskrifte in die artikel [[turboskroef]] wat die verskeie straalmotors vergelyk. Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 18:32, 20 Desember 2019 (UTC)
:Ek het na twee beelde (die enjins) gekyk, en tot dusver lyk dit reg. Ek moes wel my tweetalige monster van 'n ''Duden''-prentewoordeboek uithaal (Engels/Frans). Daar is wel 'n Duitse weergawe [https://play.google.com/books/reader?id=3OBgDwAAQBAJ&pg=GBS.PP1 op Google Play te koop] as u sou belangstel, vir R390. Ek weet ek moet hom koop, maar is nie eintlik lus nie.
:Oor Mev. Suidpunt. Nou dit is 'n ingewikkelde storie. Wil ek een hê? Ja, miskien. Is hulle maklik te kry? Ja en nee. Is hulle eksoties genoeg? Plaaslik? Nee. Is daar van hulle wat jou belangstellings deel? '''Absoluut nee''' (en as daar is, is hulle beslis nie van hier rond nie). Is daar van hulle wat so versiende soos jy is? Wel, ek sien hulle nie op die Afrikaanse Wikipedia nie; en dié wat wel is, is reeds oor hul menopouse en verkeer in 'n onvrugbare stadium... Ek sal vir my maar 'n Russiese bruid moet invoer. Baie mense streef na onafhanklikheid, en as hulle dit het, weet hulle nie wat om daarmee te maak nie. Ander soek 'n gesin. Ek wil weer kyk hoe "hoog" my potensiaal kan raak (filosofie, Latyn, ens.) om die lot rondom my op te trek. (Die nadeel is egter dat kerke vandag almal gesinskerke geword het, wat enkellopendes eenkant skuif; daar is nie meer plek vir ons nie).
:Gepraat van 'n bietjie frustrasie en pretasie. Iets wat my nogal opval by die Furry Fandom: jy kry heteroseksuele wat steen en been kla omdat hulle enkellopend is, maar ten duurste betaal vir prente waar hul Karakter X (bv. 'n Filipino-Amerikaner as mens, 'n akwamaryngekleurde wolfmannetjie op twee pote as sy karakter) 'n wolfwyfie spyker (ekskuus, maar ek dink die woord is passend vir wat ek sien). Nou wonder ek net: dink jy nou werklik jy gaan op hierdie wyse 'n verloofde nadertrek? Die gays (veral Duitsers en Britte) is nog maller: twee mans (wildvreemd van mekaar) klap geld saam sodat "my" karakter ('n moerse groot vos) vir "jou" karakter ('n petieterige Dalmasiër) op ''nonchalante'' wyse kan bykom, "because I have a tight budget". Huh?! Ek moet volgende jaar beslis 'n onderhoud met ZA-Fur doen, oor ons eie Suid-Afrikaanse been. Ek het baie vrae! En aangesien hulle hul eie potgooi op Furry.fm het wat 1h30 minute aanhou, kan ek 95 vrae uitdink wat hulle sal moet beantwoord; daar is jou bron, 'n Wikipedia-artikel in wording. In Aprilmaand se [https://www.youtube.com/watch?v=W9PWyjrJv3E onderhoud op kykNET] word daar mos gesê - nee, nee, nee, dit gaan alles oor die kreatiwiteit, hoor... Goed, dan is die Furry Fandom nie oor seks nie, maar die kunste. Maar die kunste wat die meeste ge-''fav'' word is, "toevallig", deur die bank seksueel van aard! En nogal deur die einste Afrikaners wat op die kassie was (al drie mans het Afrikaanse name). Jy kan my wat vertel.
:Terloops, om die onderwerp te verander. Ek het self 'n prent versoek (vir my 30ste verjaarsdag aanstaande jaar) - nie seksueel van aard nie, want ek voel die diereryk is vir veel meer en hoër metafore en simboliek en hulpmiddels bestem (en ek wou my nogal altyd in dystewels en 'n wapperende mantel sien). Ekself is die hoofkarakter in mensegestalte (want ek kan myself nie as 'n dier sien nie; dit is vir Maart of later 2020 geskeduleer). Die probleem is, en hier sien ek die ironie: daar word gesê die Furry Fandom daag glo die kapitalisme uit. Wat ek egter voor my sien is 'n a-kulturele stelsel wat geldgedrewe uitbuiting is - wat teer op die laagste drange waartoe die mens hom kan versondig - waar kunstenaars gedwing word om hul talent te vermors op pornografie, anders word hulle nie raakgesien of geldelik ondersteun nie. Kom ek stel dit so: om 'n Afrikaner te wees, hoef jy net blank te wees en Afrikaanssprekend. Jy hoef nie Afrikaanse boeke te koop nie, maar as jy jou eie taal verloën in jou wetenskaplike werke (deur doelbewus nié Afrikaanse tekste te gebruik nie, soos ons liewe Engelse dosente by Wits, Rhodes, Ikeys, UJ, et al sedert hul stigtingsjare doen), word jy as 'n ''volksverraaier'' beskou. 'n Spanjaard kan egter op sy kop staan en uit Afrikaanse tekste aanhaal soos hy wil, hy bly 'n Spanjaard - dit sit nou eenmaal in die bloed. Met die Furry Fandom weer, word jou identiteit as't ware met geld '''gekoop''' - veral as jy 'n talentlose (wat die kunste betref) wese is; en tog voel dit my ook of hierdie lot soos 'n los kerk (ek doen juis navorsing oor kerkverlating en wat ek van die fandom sien, is ook nie veel anders nie).
:Buite die Fandom, neem nou maar 'n Afrikaner soos [https://www.youtube.com/watch?v=Ro3zD1HpEx8 Johan Botes] wat homself leer teken het op The Gimp - lewensgetroue beeld van 'n hondjie: hy kry net geen aftrek of belangstelling nie. Ek staan verslae... [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 08:23, 21 Desember 2019 (UTC)
== [[Anna Petronella van Heerden]] ==
Jongman, dit lyk vir my ek het ons Nederlandse broers en susters oortuig om bogenoemde ook te vertaal. Lees asb net weer al die kommentaar hier: [https://nl.wikipedia.org/wiki/Overleg_gebruiker:Ellywa#Nog_%27n_vrou_uit_Suid-Afrika%21], ek wil net seker maak ek mis niks nie. Jy is ook welkom om 'n bietjie ondersteunende kommentaar daar te plaas... Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 06:16, 24 Desember 2019 (UTC)
:Met die uitsondering van "mediese dokter" > "dokter" ('n [[pleonasme]]) voorsien ek geen probleme nie. Die Hollanders kan sommer self hul eie navorsing doen. Terloops, ek sien daar pryk 'n foto van u, diep in gesprek, op bl. 27 van die nuusbrief [http://www.akademie.ussdmobile.co.za/Nuusbrief_Aug_2019.pdf Augustus 2019]... Dit lyk my die Akademie se nuusbrief is voortaan op my maandelikse besoeklysie, neffens die [https://www.westerncape.gov.za/documents/newsletters_mags/1539 Kaapse bibliotekaris]. Ek sal later die Desembermaanduitgawe ook bywerk. [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 07:03, 24 Desember 2019 (UTC)
::Jongman, toestemming verleen om my te jy,jou, Oesjaar en Deon! Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 07:11, 24 Desember 2019 (UTC)
== Die Akademie se ''Verlede|Hede|Toekoms'' ==
Jongman, tydens die werkswinkel van laas Donderdag het Prof Anne-Marie vir my 'n kopie gegee genaamd: ''Verlede|Hede|Toekoms'' ISBN 978-0-949976-97-0, 'n boek wat die geskiedenis dek van die Akademie vanaf 1909 tot 2019. Daar is baie, baie inligting in die boek wat iewers hier op ons Wikipedia ingewerk moet word. Stel jy belang in die projek? Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 17:09, 1 Februarie 2020 (UTC)
: Ek het ook 'n Wordlêer by die Akademie gekry van alle pryse wat hulle uitgegee het tot 2019. Stel jy ook belang om hier te help asb? Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 19:47, 1 Februarie 2020 (UTC)
{{uitkeep}}
;'''Suidpunt''' antwoord
Ek sê nie sommer needankie vir 'n boek nie, maar as ek nou eerlik moet wees het ek nooit mnr. Nienaber se boek ''Wat doen die Akademie?'' klaargemaak nie. Ek soek net 'n paar goedjies - soos inligting oor hul woordeboekwerk, taalatlasse en grammatikaboeke - en die res is vir die voëls bedoel. Maar hoe eerlik is hierdie boeke? So verneem ek in Nienaber se boek van die Afrikaans-Nieugriekse woordeboek, en ek vra my die heeltyd af wat daarvan geword het. Hier kom prof. Gerrit van Wyk Kruger in sy boek ''Die verhaal van die Griekse taal oor 35 eeue heen'' (2017) en erken openlik die boek nou in sy besit (wat hy van elders gekry het) het nooit verder as 'n manuskrip gevorder nie. Nou sal die Akademie so gaaf wees om sy mislukkings ook te boek te stel? Ek dink eerder hulle kan, met al hul hulpbronne, iemand PR om die werk te doen. Ek wil fokus op kennis van ''buite'' die laer: so leer ek vandag van die Katalane wat Katalaanse laerskole en hul onderwysdepartement by Wikipedia betrek het. Die Russiese werkwoordeboek het Vrydag opgedaag en ek is ywerig/gretig om te begin leer; die Katalaanse leefwêreld hou ek vir wanneer ek die dag lus vir iets "eksoties" voel (dink swart oopknoophempie met helder hibiskusblomme, die geelrooi mengeldrankie genaamd ''sex on the beach'', 'n papegaai op die skouer...).
Kom ons kyk gou na my Nuwejaarsvoornemings:
(- Lees "Dogs of Mars" deur Adam Browne) - Afgehandel.
* Faroëes (SpesBona het dit onlangs gans te vroeg as voorbladartikel genomineer; en dit is nou Februarie)
* Ekonomiese geskiedenis van Venesië (die vertaling uit Duits gaan my 'n paar maande besig hou, en dit kom al jare aan; die vraag ontstaan hoe die ekonomiese era omgeskakel het in 'n kultuurera. Ek het gratis boeke hieroor afgelaai by Project Muse, wat my andersins R600,00 op Google Play elk sou kos, sodat ek beter begrip kan kry vir hierdie tydperk).
* [[Taalstryd van Ragusa]] (waar die oorspronklike Romaanse dialek deur Kroaties in Kroasië verswelg is, maar Italiaans tog vir eeue lank die hef in die hand kon hou. Dit sal seker my eerste en laaste artikel uit Italiaans ooit wees.)
* [[Alfred Wegener]] (dis tyd dat ek daardie geologiewoordeboek (1970) van my inseën)
* Slawiese menswolf (eintlik bedoel vir 2021, as ek Russies hopelik darem al kan lees...)
* Kultuurboikot
Dis nou die een tussen Holland/Vlaandere en Suid-Afrika tydens Apartheid. Ek het onlangs op 'n bron, "Zwartboek over wetenschappelijke kontakten tussen Nederland en Zuid-Afrika – Steun het Afrikaans Nationaal Congres" afgekom by JSTOR. Opgestel deur die Anti-Apartheidsbeweging Nederland, gedateer 3 Januarie 1980. Dis 40 jaar terug! Ook het Otto Terblanche in ''Tydskrif vir Geesteswetenskappe'' (Maart 2014) die impak van nader by bekyk. Dit was eintlik "poep teen weerlig": die Hollanders het hulself meer bevuil en skade aangedoen as aan Apartheid. Bloedweinig Afrikaanse akademici het ten eerste aan die Nederlandse universiteit gaan studeer, en ten tweede het bloedweinig Afrikaanssprekendes daardie jare (en vandag nog!) Nederlands vir die pret gelees. Soos ek in my vorige skrywe oor die Sensuurwet duidelik stel, waar ek Marcus de Jong aanhaal, kon jy enigiets in Nederlands in Suid-Afrika kwytraak: jy sou nie vervolg word nie. Daar was eenvoudig net te min lesers! Omrede Nederlands volgens die Suid-Afrikaanse Grondwet sinoniem met Afrikaans was, het die skrap van die woord "Nederlands" erge gevolge vir die taal ingehou. Nederlands is vandag selfs slegter daaraan toe as Duits, Tamil, Portugees en Goedjarati wat as "minderheidstale" geoormerk is (as mens boonop dink hoeveel bronne is in die Suid-Afrikaanse argiewe in Nederlands!). Maar presies dieselfde paadjie as in Indonesië. Soos te verwagte is Hollands, wat toe nie meer deur die Grondwet beskerm word nie, net soos in die geval van Latyn post-1994 by die regskole, sedert die 1990's ook summier uit die Afrikaanse kurrikulum verwyder. Dit is vir my vandag ook véél makliker om Duitse boeke te bekom, as dié in Nederlands.
Dit is nie bedoel om die gesonde verhouding met die Hollanders hier by Wikipedia te versuur nie, maar juis iets wat albei direk raak. Ek het ook 'n tydskrif met 'n foto uit die 1960's waar Hollanders in Pretoria betoog teen die Hollandse regering.
'n Paar ander onderwerpe wil ek graag vir die publiek op Wikipedia opsom, soos:
* Verdere uitbreiding van "Wetenskapstaal" (langtermynprojek - ek het reeds meer as ses boeke hiervoor aangekoop oor verskeie tale - die raakpunte met Afrikaans is beduidend)
* Verdere uitbreiding van "Strategieë ter bevordering van Afrikaans" (tans in my sandput, langtermynprojek)
* Begin werk aan ''Sewe dae by die Silbersteins'' (ek het vyf redelike dik boeke, almal uit druk, hiervoor aangekoop)
* "Kerkverlating" (nog 'n langtermynprojek)
* ''Die nag het net een oog'' (waarskynlik die eerste Gotiese roman in Afrikaans). {{uitgevoer}}
En ouder gewoonte sal ek my ore gespits hou vir enige kommentaar oor die Afrikaanse Wikipedia. [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 20:51, 2 Februarie 2020 (UTC)
== Stem vir nuwe voorbladkandidate ==
Hi Suidpunt, kan jy asb jou gewig ingooi en stem by [[Wikipedia:Kandidaatartikels vir voorblad]]?. Ons kort nog 'n paar "ja"-stemme om die nominasies deur te voer. Dankie, --[[Gebruiker:Aliwal2012|Aliwal2012]] ([[Gebruikerbespreking:Aliwal2012|kontak]]) 13:00, 6 Februarie 2020 (UTC)
== Die vyf pilare van Wikipedia ==
| 