Kirke: Verskil tussen weergawes

'''Kirke''' ([[Grieks]]: Κίρκη) is in die [[Griekse mitologie]] ’n [[Godheid|godin]] en [[Toorkuns|towenares]].<ref> https://www.britannica.com/topic/Circe-Greek-mythology Encyclopedia Britannica</ref> Sy is die dogter van die god [[Helios]] en óf die [[Okeanied]] [[Perse (mitologie)|Perse]] óf die godin [[Hekate]]. Kirke was bekend vir haar groot kennis van towerdrankies en [[kruie]]. Met behulp daarvan en van ’n towerstaf kon sy haar vyande transformeer, of dié wat haar te na kom in diere verander.

 

Die beste legende oor haar kom uit [[Homeros]] se ''[[Odussee]]''. Toe [[Odusseus]] haar eiland, Aiaia, besoek op sy pad terug van die [[Trojaanse Oorlog]], het sy die meeste van sy bemanningslede in varke verander. Hy het haar oortuig om hulle terug in mense te verander. Hy het ’n jaar lank by haar gewoon en seuns by haar gehad, onder wie Latinos en [[Telegonos]]. Haar vermoë om ander in diere te verander, word verder geïllustreer deur die verhaal van Pikos, ’n Italiaanse koning wat sy in ’n [[houtkapper]] verander omdat hy haar toenaderings van die hand wys. In nog ’n verhaal word vertel hoe sy op die seegod Glaukos verlief raak, wat die nimf Skilla bo haar verkies. Uit wraak vergiftig Kirke die water waar haar mededinger bad en verander haar in ’n vreeslike monster.