Heuningby: Verskil tussen weergawes

Die '''heuningby''' (''Apis mellifera'') is 'n [[insek]] wat dwarsoor die wêreld versprei is. Heuningbye word deur deur die mens benut vanweë die [[heuning]] en byewas wat hulle produseer, asook vir die bestuiwing van gewasse (veral [[vrugte]]). Byebevolkings wat vir [[mens]]like gebruik aangewend word, word deur [[Byeboerdery|byeboere]] aangehou en onderhou.

In [[Europa]] bestaan daar twee geneties verskillende bevolkings heuningbye. Uit [[DNS]]-analises blyk dit dat hierdie twee bevolkings nouer verwant aan die [[Afrika]]-heuningby is as aan mekaar.

Heuningbye beskik oor 'n interne biologiese klok wat hulle in staat stel om beter te kan navigeer en hul take te kan verdeel. Hulle is uiters sosiale insekte en woon in gemeenskappe wat uit ongeveer 'n halfmiljoen bye bestaan. Verreweg die meeste lede van hierdie gemeenskappe is steriele vroulike werkerbye. Slegs 'n paar honderd bye in die bevolking is mannetjies, ook genoem hommels. 'n Hommel se taak is om met 'n koningin te paar ('n aantal van hulle met een koningin op haar "bruidsvlug") en dié vrugbare wyfie se taak is om daarna lewenslank eiers te lê ten einde die byegemeenskap se voortbestaan te verseker.