Usakos: Verskil tussen weergawes

'''Usakos''' is 'n dorpie in [[Namibië]], 30 km wes van [[Karibib]] en 150 km noordoos van [[Swakopmund]]. Dit het ontwikkel uit werkswinkels van 'n [[koper]]mynmaatskappy en spoorwegwerkswinkels. Die dorp is onder die [[Duits-Suidwes-Afrika|Duitse bewind]] gestig en van 1927 af deur 'n dorpsbestuursraad geadministreer tot munisipale status in 1948 toegeken is. Die naam kom uit [[Nama]] en beteken waarskynlik “die plek wat die hoefhakskeen gryp”, wat verwys na die taai, geel klei by die plaaslike fontein. In die onlangse verlede het die dorp die naburige [[Karibib]] se status as kommunikasiesentrum oorgeneem. Die geskatte bevolking in 2006 was 10 077. Usakos is die geboorteplek van [[Björn von Finckenstein]], 'n voormalige burgemeester van [[Windhoek]].