Pazzi-sameswering: Verskil tussen weergawes

Alhoewel Lorenzo 'n beroep op die skare gedoen het om nie eise vir summiere straf te stel nie, is baie van die samesweerders, sowel as verskeie mense wat daarvan beskuldig is dat hulle deel van die sameswering was, gedood. Lorenzo het wel daarin geslaag om die neef van Sixtus IV, kardinaal Raffaele Riario, te red, wat waarskynlik 'n onskuldige was, sowel as twee familielede van die samesweerders. Daar is regdeur Italië jaggemaak op die samesweerders. Tussen 26 April, die dag van die aanval en 20 Oktober 1478, is altesaam tagtig mense tereggestel. {{r|baker|page=456}} Die meeste samesweerders is spoedig gevang en summier tereggestel; vyf, onder wie Francesco de 'Pazzi en Salviati, is aan die vensters van die [[Palazzo della Signoria]] opgehang. {{r|hibbert|page=140}}. Jacopo de 'Pazzi, die hoof van die familie, het uit Florence ontsnap, maar is gevang en teruggebring. Hy is gemartel en toe aan die Palazzo della Signoria langs die ontbindende lyk van Salviati gehang. Hy is begrawe in die [[Santa Croce, Florence|Santa Croce]], maar die liggaam is opgegrawe en in 'n sloot gegooi. Dit is toe deur die strate gesleep en toe opgestel by die deur van die Palazzo Pazzi, waar die verrottende kop spottend as deurklopper gebruik is. Van daar is die oorskot in die [[ArnoArnorivier]] gegooi; kinders het dit egter uitgehaal en aan 'n wilgerboom opgehang, en dit daarna weer in die rivier gegooi. {{r|hibbert|page=141}} Bandini dei Baroncelli, wat na [[Konstantinopel]] ontsnap het, is gearresteer en in boeie teruggebring deur Sultan Mehmed II, en is - steeds geklee in Turkse gewaad - op 29 Desember 1479 aan 'n venster van die [[Bargello|Palazzo del Capitano del Popolo]] gehang. {{r|hibbert|page=142|trecc}} Op 6 Junie 1481 is drie verdere teregstellings uitgevoer.{{r|baker|page=456}}