Leucospermum: Verskil tussen weergawes

Content deleted Content added
k typo
k Interne skakel
Etiket: 2017-bronwysiging
Lyn 24:
'''''Leucospermum''''' (speldekussings) is 'n struik[[genus]] wat hoort tot die [[Familie (biologie)|familie]] ''[[Proteaceae]]''. Daar is 48 [[spesies]] wat tot die genus hoort.
 
Die speldekussings of luisies is na die proteas seker die bekendste en gewildste tuin- en [[snyblomme]] van die proteafamilie. Soos die proteas hou die blomme van speldekussings ook lank en die blomtyd is ook lank (dikwels 4 maande of langer). Waar die [[Skutblaar|skutblare]] meestal die eienskap is wat [[Protea (genus)|proteas]] so aantreklik maak, is die uitstaande style en stempels die kenmerkendste eienskap van die speldekussings. Speldekussings het geen skutblare nie.
 
Wanneer hulle nie blom nie, kan speldekussings van proteas (en alle ander lede van die proteafamilie) onderskei word op grond van die drie of meer tandjies wat hulle aan die punte van hul blare het en wat dikwels rooierige randjies het. Die speldekussings kan ruweg verdeel word in die met groter blomkoppe ('n deursnee van meer as ongeveer 4 cm) en die met klein blomkoppe (ongeveer 3 cm in deursnee). Die blomkoppies van die rankende ''[[Leucospermum prostratum]]'' is slegs ongeveer 2 cm in deursnee. Die bekendste en gewildste speldekussings is ''[[Leucospermum cordifolium]]'' (vroeër ''Leucospermum nutans'') en ''[[Leucospermum reflexum]]''.