Canberra: Verskil tussen weergawes

 

Canberra lê in die noorde van die [[Australiese Hoofstadgebied]] (''Australian Capital Territory, ACT''), sowat 280 kilometer suidwes van [[Sydney]] en 650 kilometer noordoos van [[Melbourne]]. Die Australiese hoofstad se ligging is in [[1908]] as 'n soort geografiese kompromis tussen die twee grootste stede van die land, Sydney en Melbourne, gekies.

[[Lêer:ParlTriangle.JPG|duimnael|links|'n Model van Canberra se "parlementêre driehoek"]]

As 'n beplande [[tuinstad]] in die ''outback'' of Australiese binneland verskil Canberra duidelik van ander groot Australiese stede. Canberra het sy kenmerkende stadskarakter aan 'n internasionale kompetisie te danke wat in [[1911]] deur die Australiese regering deurgevoer is. Van die 136 ontwerpe, wat deur argitekte ingedien is, is uiteindelik die Amerikaanse argitekte Walter Burley Griffin en Marion Burley Griffin ([[Chicago]]) se indrukwekkende kombinasie van sirkels en driehoeke gekies, wat die landskap van die omgewing tegelykertyd by die ontwerp betrek, maar ook omgeskep het.

Canberra huisves die Australiese parlementsgebou, die Hooggeregshof van Australië en talle regeringsdepartemente en -agentskappe, maar ook 'n groot aantal sosiale, opvoedkundige en kulturele instellings soos die Nasionale Galery, die Nasionale Universiteit en die Nasionale Museum van Australië. Die federale regering lewer die grootste bydrae tot die Australiese Hoofstadgebied se bruto geografiese produk en is ook die belangrikste werkverskaffer.

 

 

== Geografie ==