Camelot: Verskil tussen weergawes

'''Camelot''' (soms as ''Camelat'' geskryf) is volgens ou [[legende]]s die [[kasteel]] waar koning [[Koning Arthur]] en sy [[ridder]]s gewoon het. In fiksie oor die [[Middeleeue]] regeer Arthur vanaf Camelot oor [[Skotland]] en hou hy feeste by sy ronde tafel. Die [[ronde tafel]], wat geen bene of kop het nie, simboliseer goeie koningskap, omdat elke ridder wat daar sit 'n gelyke plek gehad het. Baie interessant is die posisie wat Arthur by die Tafelronde inneem: hy is die ''primus inter pares'', die eerste onder gelykes.

Die ligging van Camelot is onbekend en dit is nie duidelik of die plek ooit bestaan het nie. Sommige mense glo dit was in [[Somerset]], in die suidweste van [[Engeland]] gewees. In die [[Letterkunde|literatuur]] staan dit as ’n beeldskone, magiese en vreedsame plek bekend.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref>

Deesdae word daar dikwels aangeneem dat Camelot die enigste legendariese skuiling van koning Arthur was. In Middeleeuse tekste sou sy [[kasteel]] in 'n ander stad wees, moontlik in Carleon. Camelot word vir die eerste keer in reël 34 van [[Chrétien de Troyes]] se ''Lancelot'' genoem ([[12de eeu]]). Camelot kom egter nie in alle manuskripte van die tyd voor nie. In ''Vulgate Cycle'' ([[13de eeu]]) word Camelot die belangrikste woonplek van Arthur genoem.<ref>The Camelot Project, [http://d.lib.rochester.edu/camelot/theme/camelot Camelot], door Alan Lupack</ref>

Sir [[Lancelot]] en koningin [[Guinevere]] se liefdesverhouding het Camelot uiteindelik in 'n [[burgeroorlog]] gedompel, wat tot die plek se ondergang gelei het.

In [[Afrikaans]] bestaan daar verskeie oorvertellings van die [[Artus]]- of [[Arthur-legendes]]. Die volledigste is dié deur die bekende [[skrywer]] [[André P. Brink]], wat onder die titel ''Koning Arthur en sy Ridders van die Ronde Tafel'' in [[1968]] gepubliseer is.