Wikipedia:Geselshoekie: Verskil tussen weergawes

▲::::::Teenargumente:

▲::::::1. As jou teikenmark "vir almal" is, wil ek sien hoe die Duitse Wikipedia paniekbevange met al wat Afrikaanssprekende onderhoud kom voer om tog hul ensiklopedie meer toeganklik vir ons te maak. Dit gaan nie gebeur nie. Net so min soos ons elke stoppel in Duitsland se agtergrond of subteks ken (en hul dit geensins nodig ag om daaroor breedvoerig uit te wei nie, maar vir my heeltemal onverstaanbaar of onverklaarbaar bly, omdat ek nie daar woon nie), ewe min in die Afrikaanse Wikipedia.

▲::::::En hoe kan jy vir 6 500 taalgemeenskappe (+ ander uitgestorwe, en halfdooies, en herleefde taalgemeenskappe) "neutraal" skryf, as jy maar net twee of drie en hul inligtingsbronne of kultuur ken? En dit sluit dialekte, sektes, subkulture in. Dan begin jy alleen vir spookbeelde en spookkarakters uit jou eie gedagtewêreld skryf en bluf jouself, want jy ken hul nie werklik nie - jy dink dit wel. So alwetend is geen mens nie. Die spoke moet maar uit hul doodskiste klim en eers protes aanteken.

▲::::::En tog sal die Franse Akademie met 'n geïrriteerde handveeg die spook wegwys - "on parle pas comme ça".

▲::::::2. Wanneer begin mens praat van taalmanipulasie, en wanneer praat mens van korrekte begrippe? Skryf jy om die taalgemeenskap te bedien, word aangevoer jy moet op die mense se vlak skryf, om tot hul vlak met die boodskap deur te dring. Soos Luther met die Bybel gemaak het ('''die waarskynlike leser'''). Skryf jy uit 'n vakkundige oogpunt, gebruik jy jargon en moet die volk maar gelate daarby aanpas. Waar presies vind mens die goue middeweg? Moet ek Koptiese grammatika vir 'n kind skryf, vir die leek, vir die taalkundige wat reeds Hebreeus ken? En dus dieselfde hier.

▲::::::3. Watter een van die volgende sluit die Apokriewe in? Ou Testament, die Hebreeuse Bybel, die Tanag? Teenvraag: Moet ons die Apokriewe hierby insluit, of uitsluit? Waarom nie? Waarom wel?

▲::::::4. As ons geen uitsluitsel hieroor kry nie - wie gaan die Taalkommissie hieroor opkommandeer? [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 05:20, 14 Junie 2021 (UTC)

▲:::::::::Daar is 'n groot verskil tussen weet, doelbewus ignoreer, onbewus ignoreer en nie weet nie. Hoekom het ons die artikels [[Pesach]] én [[Paasfees]], [[Sjawoe'ot]] én [[Pinkster]], [[Tenag]] én [[Ou Testament]]? Omdat daar 'n verskil is en ons nie oor Joodse onderwerpe uit 'n Christelike siening mag skryf nie. Dieselfde geld natuurlik vir Christelike onderwerpe uit 'n Islamitiese siening, ens. Vir Jode was Jesus net 'n Jood, vir Christene die seun van God en vir Moslems ''een'' profeet. Vir wie skryf ons nou? Skryf die Kroate net vir Katolieke, die Bosniake net vir Moslems en die Serwiërs net vir Ortodokse? Wat van Hindi- en Oerdoe-taliges, ignoreer hulle mekaar se minderhede? Skryf ons in Duits net oor sokker of is daar ook plek vir ander sportsoorte (''Randsportarten'')? Weet ons in Duitsland net van die [[FIFA Sokker-Wêreldbekertoernooi in 2010]] en ignoreer die ander twee groot toernooie van 1995 en 2003? Die meeste Duitsers ken net eersgenoemde. 'n Onlangse voorbeeld gister by Duitsland se openbare uitsaaiers ARD/ZDF (vergelykbaar met Suid-Afrika se SAUK): ''Der erste Titel der Engländer seit 1966''. Die meeste Duitsers weet niks van [[Rugbywêreldbeker 2003]] en [[Krieketwêreldbeker 2019]] nie. Tot op [https://de.wikipedia.org/w/index.php?title=Neuseeland&type=revision&diff=208674538&oldid=208567956 10 Februarie 2021] is in die lesenswaardige (!) artikel [[:de:Neuseeland]] nie eens krieket genoem nie, omdat die meeste Duitstaliges nie daarvan kennis dra nie. Jy sien, ons kry 'n voorbeeld vir elke saak.

▲:::::::::Terloops is Joodse lesers een van my teikens en artikels soos [[Moses]], [[Lys van Joodse feeste en herdenkings]] en [[Abraham]] vaar nie te sleg nie, kyk maar net [https://pageviews.toolforge.org/userviews/?project=af.wikipedia.org&platform=all-access&agent=user&namespace=0&redirects=0&range=latest-20&sort=views&direction=1&view=list&user=SpesBona my ''Userviews'']. Blykbaar is ek een van die gelukkige mense wat 'n Boerejood leer ken het (uit [[Koffiefontein]]) en ons het natuurlik van my artikels soos [[Chanoeka]], [[Pesach]], [[Poerim]], [[Sjawoe'ot]] en [[Tisj'a be'Aw]] bespreek (ek het hulle op aanbevelling deur hom geskryf). Hy het ook die hele [[vlag van Israel]] vir my/ons uit Hebreeus vertaal. Groete. -- [[Lêer:Flag of South Africa.svg|20px]] [[Gebruiker:SpesBona|SpesBona]] 21:05, 14 Junie 2021 (UTC)

▲:::::::::::Dit was deels ook 'n antwoord op Suidpunt vir watter lesers ek o.a. hier skryf en hoekom. Myns insiens kan ons met 'n ensiklopedie van 'n hoë gehalte ander mense motiveer om Afrikaans aan te leer en ons artikels te lees, omdat dit die moeite werd is. Ek dink maar veral aan Nederlanders, Duitsers, Friese en al die nou verwante dialekte. Dit bring my weer na die ingekorte taalskakels en die sterretjies vir lesenswaardige en voorbladartikels. Maar dit was nie die oorspronklike onderwerp nie, ek weet. Groete. -- [[Lêer:Flag of South Africa.svg|20px]] [[Gebruiker:SpesBona|SpesBona]] 13:10, 15 Junie 2021 (UTC)