Jan Steytler: Verskil tussen weergawes

Dr. '''Jan Steytler''' was [[Kaapprovinsie|Kaaplandse]] leier van die [[Verenigde Party]] (V.P.) ten tyde van die [[Bloemfontein]]se kongres van die party in [[1959]] toe die progressiewes weggebreek het om die [[Progressiewe Party]] onder leiding van [[Colin Wells Eglin|Colin Eglin]], [[Helen Suzman]] en andere te stig. Hy het ook uit die V.P. bedank.

Steytler wen in [[Suid-Afrikaanse algemene verkiesing van 1953|1953]] met 'n meerderheid van 1 492 stemme teen C.G. Vorster, 'n [[Nasionale Party|Nasionalis]] in die destydse veilige [[Verenigde Party]]-setel [[Queenstown (kiesafdeling)|Queenstown]]. 'n Buitengewone hoë stempersentasie van 96,2% in [[Suid-Afrikaanse algemene verkiesing van 1958|1958]] kos die V.P. amper die setel toe Steytler met slegs 13 stemme wen teen die Nasionale Party se [[H.H. Smit]]. In die volkstemming van 1960 oor republiekwording is die uitslag eweneens feitlik gelykop toe 5 378 kiesers teen die republiek stem en 5 257 daarvoor. Queenstown teken weer 'n baie hoë stempersentasie van 95,8% aan. In die [[Suid-Afrikaanse algemene verkiesing van 1961|verkiesing van die volgende jaar]] wen die Nasionale Party die eerste keer in Queenstown toe J.J. Loots 369 stemme meer as die V.P. se C.J.S. Wainwright kry. Omdat Queenstown toe so gelykop was, het Steytler in daardie verkiesing in [[Port Elizabeth-Suid (kiesafdeling)|Port Elizabeth-Suid]] vir die [[Progressiewe Party]] gestaan en met 2 730 stemme teen die V.P. se R.P. Plewman verloor. Hy is nooit weer tot die parlement verkies nie.