Middeleeue: Verskil tussen weergawes
Content deleted Content added
→Geneeskunde en higiëne: Skakel |
Sobaka (besprekings | bydraes) k →Oorlogvoering: skakel |
||
Lyn 257:
Ridders het selde aktief aan die beleëring van 'n vesting deelgeneem omdat spesiale huurtroepe vir die doel gebruik is. Die ridders was egter deel van die stormtroepe waarmee 'n vesting ingeneem is nadat ʼn breuk in die mure ontstaan het of die mure met behulp van stormtorings verower is. Aan die ander kant was die ridders verantwoordelik vir die verdediging van 'n vesting omdat garnisoendiens deel van hul verpligtinge was. Die vernaamste beleëringstoerusting was [[projektielwerper]]s, [[stormram]]me, stormtorings en [[kruisboog|kruisboë]]
Die verdedigers het aanslae op die mure met brandende teer of olie afgeweer en ook van kruisboë gebruik gemaak. In veldslae was kruisboë onprakties en moeilik om te gebruik omdat hulle nie vinnig herlaai kon word nie. Die geweldige trefkrag van die pyle (geen pantser was daarteen bestand nie) het dit egter 'n nuttige beleëringswapen gemaak. Die beleëraars het ook dikwels die fondamente van die mure ondergrawe om die mure te laat intuimel. Die inname van 'n vesting, veral ʼn stad, het met [[plundery]] en geweldige wreedheid gepaard gegaan.
Ridders en ander lede van die adel is gewoonlik met die oog op 'n hoë losprys gevange geneem, maar die gewone bevolking is voor die voet doodgemaak. Twee van die berugste voorbeelde is die bloedbad waarmee die verowering van [[Jerusalem]] deur die kruisvaarders in [[1099]] gepaard gegaan het en die inname van [[Limoges]], 'n stad in [[Frankryk]], deur die [[Swart Prins]] van Engeland in [[1370]].
| |||