Sekretarisvoël: Verskil tussen weergawes

Bolangs is hulle [[grys]] en word ligter na onder. Op die agterkop en nek kom die kenmerkende lang swart vere voor. Hulle kan regop getrek word. Die dye en pens is swart en onder die stert is 'n massa wit donsvere; die swart dye laat dit lyk asof die voëls kortbroeke aan het. Vlugvere is swart en ondervlerke wit. Die twee kenmerkende lang stertvere is grys met 'n breë swart band en die verste puntjies is wit. Sekretarisvoëls het 'n kleinerige kop met 'n grys snawel en 'n geel-oranje neusvrat. Hulle oë kan wissel van donkerbruin tot geel, met kaal dele rondom die oë in 'n diep oranje kleur. Hulle liggaamsbou herinner aan 'n arend s'nsin, alhoewel hulle pienk, naakte onderbene glad nie soos dié van 'n arend lyk nie: met groot skubbe en kort tone wat in bot kloue eindig. Hulle lang bene is een van die sekretarisvoël se kenmerke. Die wyfies lyk soos die mannetjies (soms bietjie donkerder van kleur): daar is weinig [[geslagsdimorfie]] by sekretarisvoëls.<ref name="RMM" /><ref name="kemp">Kemp, A & Kemp, M, 2006. ''Birds of Prey of Africa and its islands''. Cape Town: Struik Publishers. ISBN 1-77007-369-8</ref>

Jong voëls lyk opsoos hulle ouers, met 'n paar uitsonderings. Die gesigsvel van 'n jong voël is 'n ligter geel as dié van 'n ouer voël,<ref name="Sinclair">Sinclair, I. & Ryan, P., 2003. ''Birds of Africa: South of the Sahara'' Cape Town: Struik Publishers. ISBN 1-86872-857-9</ref> wat tot rooi-oranje kan verdonker. Hulle sentrale stertvere is ook korter en die punte van die skouervere is swart gekleur.