Oesjaar
Aangesluit op 6 Januarie 2009
Content deleted Content added
→USS Maryland (BB-46): nuwe afdeling |
→Foto-floute: nuwe afdeling |
||
Lyn 172:
Goeienaand Deon, ek vertrou dit gaan goed daar in Suid-Afrika en jy het daai virus agter die rug! Baie geluk met dié onlangse voorbladartikel en geniet die lente! Groete. -- [[Lêer:Flag of South Africa.svg|20px]] [[Gebruiker:SpesBona|SpesBona]] 19:34, 29 Augustus 2021 (UTC)
== Foto-floute ==
Goeiemiddag Oesjaar,
Ek dink ek het iets vir julle maandvergadering, want ek bevaar nou 'n grysgebied en die golwe raak rof.
Foto's wat op Suid-Afrikaanse bodem geneem is, beteken gewoonlik dit is 50 jaar na die datum in die openbare besit.
Foto's wat op Suid-Afrikaanse bodem geneem is, maar wat in 'n boek verskyn het, beteken die foto is gewoonlik in die openbare besit 50 jaar na die verskyningsdatum. Byvoorbeeld: 1950 + 50 jaar = 2001.
Dit wil ook sê die foto's van die wolfkruisings in Sophie Trollope se boek, ''Wolves and the Army'' (2014), mag eers in 2065 (wanneer ek al rosyntjie-plooie het op 'n jeugdige 75!) op die Afrikaanse Wikipedia gelaai word, al is die foto's in 1979/1980 geneem.
Maar nou raak dit ingewikkeld.
Die ''Paratus''-foto's is in 1980 geneem. OK.
Nou: ''Paratus'' is, net soos die ''Suid-Afrikaanse Panorama'', en vele ander, gewese staatsblaaie. Jy kon dit koop, maar nêrens kon ek 'n spoor daarop vind dat dit aan outeursreg onderworpe was nie. Dit was nie akademiese blaaie nie.
Dit raak egter nou ingewikkeld. Ek het 282 uitgawes as .pdf's op 'n stokkie op BidorBuy gekoop. Ek gee nie om om R600 te betaal vir die persoon wat die blaaie digitaal gemaak het nie, want dit spaar op die lange duur my ontsettend baie tyd, versendingskoste (en bergplek!). Maar hy, die aftaster, sover ek weet, is streng gesproke nie die eienaar van hierdie blad nie. Dit is ook nie my doel om hierdie .pdf's weer te verkoop nie; ek voel dit is onbillik.
Kom ek wees reguit:
* die staatsblad het ophou bestaan in April 1994
* daar is nêrens 'n webwerf, soos by die Universiteit van Stellenbosch, wat die blad soos ''Vrye Weekblad'' ('n privaatblad, met winsbejag voorheen) laat aflaai nie,
* daar is slegs 'n beperkte oplaag van die gedrukte kopieë daarbuite met wisselvallige kwaliteit.
* ek is tevrede met die produk wat ek gekoop het. Ek kon maklik soekwoorde deur die 282 .pdf's jaag, wat my ontsettend baie tyd gespaar het.
Nou sit ek egter met die volgende probleem:
1. Ek kan besluit om twee foto's van die wolf, Big Red, in die Suid-Afrikaanse weermag op die Afrikaanse Wikipedia te laai, en bloot sê dit was 'n staatsblad sonder winsbejag, en die gebruik daarvan is billik. Dit het wel 'n minimale 30c per uitgawe gekos. Die doel was egter om die Suid-Afrikaanse publiek in te lig, of noem dit propaganda, wat ook al. Dit kom op presies dieselfde neer as die pamflette by klinieke hoe om te borsvoed, as ek nou so voorwaarts mag wees.
Vir wat dit werd is: Sophie Trollope het die presiese foto van 1980 net so in haar boek oorgeplak en uitgegee. Sy het van die tydskrifartikel te hore gekom by Generaal Cyrus, en dit naas die foto's geplaas wat sy van weermagslede gekry het van die wolf, asook haar eie private foto's waar sy in Amerika by Wolf Park was (sy het wolwegedrag probeer verstaan). Ek weet in elk geval nie hoe jy toestemming moet kry vir 'n blad wat nie meer bestaan nie. As die blad nog soos ''Tempo'' was wat duidelik aan Naspers behoort en gesluit is, dan weet jy - los uit.
2. Ek kan egter wag tot 2031, waarna ek albei foto's kan oplaai, want dit is presies 50 jaar later. Ek sal dus net 10 jaar moet wag.[[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 14:40, 21 September 2021 (UTC)
| |||