Groothertog Michail Aleksandrowitsj van Rusland: Verskil tussen weergawes

'''Groothertog Michail Aleksandrowitsj''' van [[Rusland]] ([[Russies]]: Михаил Александрович; [[4 Desember]] [[1878]] – [[13 Junie]] [[1918]]) was die jongste seun van [[Keiser van die Hele Rusland|keiser]] [[Aleksander III van Rusland|Alexander III]] en die broer van [[Nikolaas II van Rusland|Nikolaas II]] en die groothertoë [[Groothertog Georgi Aleksandrowitsj van Rusland|Georgi]] en Aleksander. Aleksander is op 2 Mei 1870, voor Michail se geboorte, op 11 maande dood.

Teen die tyd van sy geboorte was syMichail se oupa aan vaderskant ([[Aleksander II van Rusland|Alexander II]]) keiser. Michail was die vierde aanspraakmaker op die troon ná sy pa en ouer broers, Nikolaas en [[Groothertog Georgi Aleksandrowitsj van Rusland|Georgi]]. Ná die sluipmoord op sy oupa in 1881 het hy die derde aanspraakmaker geword en in 1894, ná die dood van sy pa, die tweede een. Sy broer Georgi is in 1899 oorlede. Michail het toe die vermoedelike erfgenaam van die nuwe keiser, Nikolaas II, geword. Die geboorte van Nikolaas se seun, [[Aleksei Nikolajewitsj, tsarewitsj van Rusland|Aleksei]], in 1904 het Michail tydelik teruggeskuif na die tweede plek, maar Aleksei het [[hemofilie]] gehad en daar is nie verwag hy sou lank lewe nie.

Michail het 'n opskudding aan die keiserlike hof veroorsaak toe hy die getroude [[Natalia Brasowa|Natalia Sergejewna Woelfert]] as minnares geneem hetneem. Nikolaas het Michail na [[Orjol]] gestuur om 'n skandaal te voorkom, maar dit het Michail nie van stryk gebring nie. Hy het sy minnares dikwels besoek en ná die geboorte van die paartjie se enigste kind, [[Georgi Michailowitsj, graaf Brasof|Georgi]], in 1910 het Michail Natalia na Sint Petersburg gebring waar sy deur die gemeenskap verwerp is. In 1912 het Michail Nikolaas geskok deur met Natalia te trou in die hoop dat hy van die lys van troonopvolger verwyder sou word. Michail en Natalia het Rusland verlaat en in bannelingskap in [[Frankryk]], [[Switserland]] en [[Engeland]] gaan woon.