Kampioenetrofee: Verskil tussen weergawes

Die '''Kampioentrofee''' ([[Engels]]: ''ICC Champions Trophy'') is ’n internasionale [[krieket]]kompetisie wat al om die vier jaar gehou word om die [[Internasionale eendagwedstryd|EDI]]-krieketkampioen te bepaal. Dié toernooi is die derde belangrikste en derde bekendste in internasionale krieket net ná die [[Krieketwêreldbeker]] in [[Internasionale eendagwedstryd|EDIs]] en die [[T20I-wêreldbeker]] in [[Twintig20|T20Is]] en word deur die [[Internasionale Krieketraad]] georganiseer.

 

Tot op hede is agt toernooie uitgespeel met [[Australiese nasionale krieketspan|Australië]] en [[Indiese nasionale krieketspan|Indië]] wat dié toernooi twee keer gewen het. Die eerste [[Kampioentrofee 1998]] in [[Bangladesj]] is gewen deur [[Proteas|Suid-Afrika]], nadat hulle [[Wes-Indiese nasionale krieketspan|Wes-Indië]] in die eindstryd op die [[Bangabandhu Nasionale Stadion]] in [[Dhaka]] verslaan het. Die [[Kampioentrofee 2000]] in [[Kenia]] is gewen deur [[Nieu-Seelandse nasionale krieketspan|Nieu-Seeland]] wat [[Indiese nasionale krieketspan|Indië]] in die eindstryd op die [[Gymkhana Klubveld]] in [[Nairobi]] geklop het. Tydens die [[Kampioentrofee 2002]] in [[Sri Lanka]] het die gasheer die titel met Indië gedeel, nadat die eindstryd twee keer uitgereën is. Tydens die [[Kampioentrofee 2004]] in [[Engeland]] het Wes-Indië met die trofee weggestap nadat hulle die gasheer in die eindstryd verslaan het. Die [[Kampioentrofee 2006]] in [[Indië]] is gewen deur Australië, nadat hulle die verdedigende kampioen Wes-Indië verslaan het. Die [[Kampioentrofee 2009]] in [[Suid-Afrika]] is gewen deur die verdedigende kampioen Australië, nadat hulle Nieu-Seeland verslaan en sodoende die eerste span geword het om hul titel suksesvol te verdedig. Die [[Kampioentrofee 2013]] in Engeland en Wallis is gewen deur Indië, nadat hulle die gasheer verslaan en sodoende die tweede span geword het om dié toernooi twee keer te wen. [[Pakistanse nasionale krieketspan|Pakistan]] is die huidige T20I-kampioen, nadat hulle in die [[Kampioentrofee 2017]] se eindstryd die aartsvyand Indië verslaan en hul eerste Kampioentrofeetitel ingepalm het.