NG gemeente Boksburg-Wes: Verskil tussen weergawes

 

== Kerkbou ==

Op [[5 November]] [[1946]] het iemand die heel eerste bydrae van £5 en 4 sjielings geskenk vir die Saalboufonds wat vroeg in 1947 omgeskep is in 'n Kerkboufonds. Die gemeente wou graag kerk bou. Dit was nog die dae van boupermitte in die nadraai van die [[Tweede Wêreldoorlog]] toe boumateriaal skaars was, sodat die eerste sooi eers op [[13 September]] [[1947]] gespit kon word, nadat die boufonds op [[1 September]] die £1 000-kerf oorskry het. Op [[29 November]] van daardie jaar vind die hoeksteenlegging plaas, terwyl die reusetaak op [[14 Augustus]] [[1948]] afgerond word met die plegtige inwyding wat deur 'n indrukwekkende fakkelloop vanaf die ou klipkerk in die “oumagemeente” [[NG gemeente Boksburg|Boksburg]] voorafgegaan is. Die fakkel is deur mev. ds. J.M. Louw aangesteek. Die wydingsrede is deur ds. [[Cornelis Bertie Brink|C.B. Brink]], die destydse actuarius van die Transvaalse Kerk, uitgespreek.

 

Die eerste vyf jaar van die gemeente se bestaan was in een woord: worsteljare. Daar moes baie gewerk en opgeoffer word om die reuse-kerkskuld onder die knie te kry. Dit was egter ook vyf jaar van genade, van ontelbare seëninge. Die eerste leraar van die gemeente is op [[30 Augustus]] [[1946]] bevestig in die persoon van ds. H.B. van Schalkwyk.

== Tweeling- en drielinggemeentes ==

Boksburg-Wes, saam met Boksburg-Oos, is een van die min gevalle waar twee dogtergemeentes op dieselfde dag of binne enkele dae ná mekaar afgestig is. Hierdie twee gemeentes is albei van [[NG gemeente Boksburg-Noord|Boksburg-Noord]] afgestig: [[NG gemeente Boksburg-Oos|Oos]] op [[21 Maart]] en Wes op [[23 Maart]] [[1946]]. Die vroegste voorbeeld van tweelingdogtergemeentes was in 1906 toe die NG gemeente op [[Piketberg]] te groot en uitgestrek geraak en [[NG gemeente Aurora|Aurora]] en [[NG gemeente Redelinghuys|Redelinghuys]] amper saam afgestig is: [[NG gemeente Aurora|Aurora]] op [[25 April]] en [[NG gemeente Redelinghuys|Redelinghuys]] op [[26 April]]. Die eerste geval van ’n gelyktydige afstigting is [[NG gemeente Durban|Durban]] se tweeling, [[NG gemeente Berea|Berea]] en [[NG gemeente Port Natal|Port Natal]], wat op [[18 Julie]] [[1945]] saam die lewenslig aanskou het, maar toe albei op [[15 Maart]] [[1992]] saamgesmelt het met Glenwood,<ref>{{Cite web |url=http://www.ngkerk.org.za/kzn/kzngemeentes_body.asp?gemeente_id=59 |title=Die geskiedenis van die NG gemeente Berea |access-date=10 September 2015 |archive-date= 2 April 2012 |archive-url=https://web.archive.org/web/20120402231046/http://www.ngkerk.org.za/kzn/kzngemeentes_body.asp?gemeente_id=59 |url-status=dead }}</ref> hoewel Berea in 1997 weer afgestig het.<ref>{{Cite web |url=http://www.ngkerk.org.za/kzn/kzngemeentes_body.asp?gemeente_id=59 |title=Die geskiedenis van NG gemeente Berea |access-date=10 September 2015 |archive-date= 2 April 2012 |archive-url=https://web.archive.org/web/20120402231046/http://www.ngkerk.org.za/kzn/kzngemeentes_body.asp?gemeente_id=59 |url-status=dead }}</ref>