Slaginstrument: Verskil tussen weergawes

Content deleted Content added
Inligting bygewerk
Lyn 14:
 
== Slaginstrumente met 'n bepaalde toonhoogte ==
Die pouk is die belangrikste slag instrumentslaginstrument met 'n vaste stemming. Dit het 'n ketelvormige koper-klankliggaam, en 'n vel (gewoonlik kalfsleer, maar soms ook kunsleer) is oor die oop bokant gespan. Pouke word bespeel met stokke waarvan die koppe met verskillende materiale (meestal vilt) oorgetrek is om die verskillende trimbres te verkry. Die pouk het veral gedurende die kruistogte in [[Europa]] bekend geword en was aanvanklik sterk op die lees van die Asiatiese pouk geskoei.
 
In die tweede helfte van die [[16de eeu|16e eeu]] het die instrument sy halfronde vorm verkry, en gedurende die [[18de eeu|18e eeu]] is dit vir die eerste keer in die orkes gebruik. In die tyd is dit hoofsaaklik vir harmoniese ondersteuning gebruik en omdat daar nouliks van modulasies sprake was, was 2 pouke (tonika en dominant) voldoende. Sedert [[Ludwig van Beethoven|Beethoven]] het die pouk ʼn groter rol in die orkes begin speel en het die stemmeganisme ook verbeter. (Pouke is geweldig gevoelig vir temperatuur en vogtigheidsverskille, en vroeër moes die poukenis die instrumente voortdurend tydens uitvoerings stem.)