Mistisisme: Verskil tussen weergawes

Die gebruik van die woord mistisisme binne 'n Christelike konteks is hoofsaaklik vanweë die invloed van [[Dionysius die Areopagiet]], wat ook bekend was as Pseudo-Dionysius. Hy is verkeerdelik beskou as 'n dissipel van [[Paulus]], met die gevolg dat sy werk ''Mistiese teologie'' deur die [[Kerkvaders|vroeë kerkvadersKerkvaders]] as gesaghebbend beskou is. Die vroeë teoloë het mistieke teologie beskryf as " 'n uitreiking van die siel na God deur die aandrang van die liefde" of "eksperimentele wysheid deur die vereniging van die liefde".