Bernard van Italië: Verskil tussen weergawes

In 817 het [[Lodewyk die Vrome]] die ''Ordinatio Imperii'' laat optrek, wat die toekoms van die [[Franke|Frankiese Ryk]] uitgestippel het. Ingevolge die oktrooi het die grootste deel van die Frankiese grondgebied na Lodewyk se oudste seun Lotarius gegaan. Bernard het geen verdere grondgebied ontvang nie, en alhoewel hy as koning van Italië bevestig is, sou hy voortaan 'n vasaal van Lotarius I wees, soos wat ook die geval was met betrekking tot Lodewyk en Karel die Grote.<ref name=Cambridge>[https://books.google.com/books?id=9lHeh36S8ooC&pg=PT904&dq=Bernard+of+Italy&hl=en&sa=X&ved=0ahUKEwi4mIyl-5PXAhVCOyYKHUBcD6oQ6AEIRzAF#v=onepage&q=Bernard%20of%20Italy&f=false "Revolt of Bernard of Italy"], ''The Cambridge Medieval History Series'' volumes 1-5, Plantagenet Publishing</ref> Sekere van sy raadgewers, waaronder graaf Eggideo, en sy kamerheer Reginhard, het Bernard oortuig dat die reëling sy posisie bedreig. Ander betrokkenes was Reginhar (hy was die kleinseun van 'n rebel uit Thüringen wat Karel die Grote teengestaan het) en Harrad. Anshelm, Biskop van Milaan en Theodulf van Orléans, is ook daarvan beskuldig dat hulle betrokke was: daar is egter geen bewyse om Theodulf se skuld of onskuld te bewys nie, terwyl die mate van Anshelm se betrokkenheid onduidelik is.<ref name="ReferenceA">McKitterick, Rosamond, ''The Frankish Kingdoms under the Carolingians''</ref><ref name="Riche, Pierre p. 148">Riché, Pierre, ''The Carolingians'', p. 148</ref>

Die Koninkryk van Italië is na Bernard se dood weer in die Frankiese ryk opgeneem, en kort daarna aan Lodewyk se oudste seun Lotarius I toegeken. In 822 het Lodewyk in die openbaar 'n boetedoening gemaak by Attigny, waar hy voor die hele hof erken het dat hy sy broerskind vermoor het; hy het ook sy halfbroers weer verwelkom. Hierdie optrede spruit moontlik uit gewetenswroeginge jeens sy aandeel in Bernard se dood. Sommige historici voer aan dat sy gedrag hom oop gelaat het vir oorheersing deur die priestersklas, en dat hy deur die optrede aansien en respek onder die [[Franke|Frankiese]] adel ingeboet het.<ref name="ReferenceA"/> Ander wys egter daarop dat Bernard se komplot 'n ernstige bedreiging vir die stabiliteit van die koninkryk was; so óók die oordrewe reaksie daarop; Lodewyk se openbare vertoning van boetedoening was dus 'n goed beoordeelde gebaar om harmonie te herstel en sy gesag te hervestig.<ref name="ReferenceB"/>