Wikipedia:Geselshoekie: Verskil tussen weergawes

Content deleted Content added
No edit summary
Voyageur (besprekings | bydraes)
Lyn 383:
Jcwf
[[Gebruiker:75.178.178.59|75.178.178.59]] 03:12, 24 Oktober 2007 (UTC)
 
:::Die Wesnederfranke en Oosfranke het nog steeds 'n politieke en kulturele eenheid gevorm, alhoewel die Franke in die Wesfrankiese Ryk later vinnig met die Romeinse adel vermeng het en geromaniseer is. Die Frankiese dialekte in Duitsland behoort in elk geval tot die Frankiese taalfamilie (of konglomeraat van dialekte) en pronk daarnaas met 'n ryk Oudhoogduitse literatuur. Hul sprekers was sekerlik ook etniese Franke.
 
:::Ek het al in die artikel oor Nederlands verduidelik waarom die dialekte van die Lae Lande uiteindelik tot 'n selfstandige standaardtaal kon ontwikkel. Wesnederfrankies en Fries, Saksies en Middelnederduits is die hoofdialekte waaruit Nederlands uiteindelik ontstaan het. Maar die Franke word in die Europese vakliteratuur nog steeds as 'n Germaanse en (latere) Duitse stam beskryf - die ontwikkeling van 'n selfstandige Hollandse taal- en kultuurgebied het eers later begin.
 
:::Ek vrees die hele Europese geskiedenis word dikwels nog steeds in die lig van die tydperk van die nasionalisme en die wêreldoorloë gesien. Jy moenie die Heilige Romeinse Ryk as 'n Duitse nasionale staat beskou nie; dit was tog eerder 'n soort politieke, kulturele en religieuse federasie in Europa waarin verskillende volke en tale verenig was.
 
:::Aangaande die vroeë geskiedenis van Duitsland en spesifiek die Frankiese Ryk sal ek binnekort 'n nuwe eersterangse werk van 'n Duitse professor kry. As jy belangstel in die rol wat die Saliese Franke as Frankiese kerngroep by die kulturele, politieke en religieuse vorming van die na-Romeinse Europa gespeel het, sal jy meer hieroor in die artikels oor die Franke en die Frankiese Ryk kan lees. Terloops, die Saliese Franke se kerngebied was êrens tussen tussen Deventer en Kampen-Zwolle geleë. Alhoewel daar in in die laat-antieke tydperk nog nie sprake kan wees van "Nederlanders" of "Duitsers" nie, is die geskiedenis van die belangrikste ryk wat ná die ondergang van Rome in Europa geskep is, besonder boeiend. Sodra jy nie meer probeer om suiwer nasionale sjablone soos "Nederlanders", "Duitsers" of "Franse" op hierdie vroeë samelewing toe te pas nie, het jy tog 'n gemeenskaplike kulturele erfenis waarop jy as 'n Europeër trots kan wees. --[[Gebruiker:Voyageur|Voyageur]] 11:14, 24 Oktober 2007 (UTC)