Hekla: Verskil tussen weergawes

'''Hekla''' is die bekendste [[vulkaan]] van [[Ysland]] in die suide van die eiland met 'n hoogte van 1 488 meter bo seevlak. Hekla is naas die Grímsvötn die aktiefste vulkaan in Ysland en is in die volksmitologie tot by die [[17de eeu]] as 'n poort na die hel beskou nadat hy net in die tydperk tussen [[1104]] en [[1693]] twaalf keer uitgebars en verwoesting gesaai het. Die grootste uitbarsting van die [[20ste eeu]] het in [[1947]] plaasgevind, en vulkaanas is destyds tot by die [[Finland|Finse]] hoofstad [[Helsinki]] gewaai. Die laaste uitbarsting is in [[Februarie]] [[2000]] aangeteken.