Wolraad Woltemade: Verskil tussen weergawes

[[Beeld:200px-WolraadWoltemade.jpg|thumb|200px|right|Woltemade se heldedaad]]

 

 

Gedurende die nag van [[31 Mei]] [[1773]] het 'n noordwestelike stormwind die VOC-seilskip ''De Jonge Thomas'' op [[Woodstock]]-strand naby die monding van die [[Soutrivier]] op die sand gedryf. Die hele nag het die branders oor die skip gebreek en 'n skare het op die strand vergader. Woltemade se seun, Christiaan Ludwig, 'n korporaal aan die Kaap, was een van die soldate wat die wrakgoed moes oppas. Die volgende oggend, [[1 Junie]], het Woltemade, wat daar naby gewoon het in vandag se [[Milnerton]], daar aangekom om verversings vir sy seun te neem. Hy het besef dat die mense op die strand niks vir die gestrande matrose kon doen nie en het sewe keer met sy perd, die branders getrotseer om veertien mense te red. Die agtste keer het hy en sy perd onder die golwe verdwyn nadat 'n klomp mense op die perd probeer spring het. Hy was 65 jaar oud. Woltemade se perd se naam was Vonk.