New Age-beweging: Verskil tussen weergawes

Die Nuwe Era-beweging (Engels: "New Age Movement") is een van die [[religieë]] van ons tyd wat die moeilikste definieerbaar is omdat dit, in vergelyking met ander godsdienste en religieë, in baie opsigte heeltemal uniek en selfs omstrede is. Hoewel die beweging as sodanig 'n redelik nuwe verskynsel is wat eers sedert die [[1970's]] in die Weste werklik aandag begin trek het, is die wortels daarvan stewig geanker in van die wêreld se oudste godsdienste, [[filosofie|filosofieë]] en praktyke soos die [[Hindoeïsme]], [[Wicca]], [[Druïdisme]], Godin-aanbidding, spiritisme, spiritualisme, [[Gnostisisme]], humanisme, die antieke Egiptiese en Babiloniese godsdienste, natuur-aanbidding en astrologie. Verder bevat Nuwe Era-ideologieë ook elemente van hoofstroom-godsdienste soos die Judaïsme en die Christelike leer.