Tempranillo: Verskil tussen weergawes

[[Beeld:Locator_map_of_La_Rioja.png|thumb|right|250px|Die ligging van La Rioja, Spanje se hoofprodusent van die Tempranillo-kultivar]]Die '''Tempranillo''' is die belangrikste Spaanse kultivar (druifsoort) wat veral in die gebied La Rioja verbou word; ander belangrike gebiede is Penedés, Ribera del Duero en La Mancha. In [[Spanje]] word die kultivar op sowat 31 000 ha verbou. Die Tempranillo lewer duursame, donker soorte rooiwyn met 'n pikante smaak en talle ekstrakte op. Hulle bevat baie min suur, is eerder lig en bekend vir hulle vrugtige boeket. Pure Tempranillo-wyne is skaars; meestal word die Tempranillo-kultivar met klein hoeveelhede Garnacha- en Carinena-kultivare gemeng. Die tipiese Tempranillo-wyn van La Rioja bevat sowat 60-80% Tempranillo-kultivare.

 

'n Tipiese kenmerk van die taamlik klein Tempranillo-druifsoort is sy dik skil. Die naam is afgelei van die Spaanse ''temprano'' ("vroeg"), aangesien die kultivar vroeër ryp word dan ander soorte. Ander name vir die Tempranillo is Aragonez, Tinto fino (in Ribera del Duero), Cencibel (in La Mancha en Valdepeñas), Ull de Llebre (in [[Katalonië]]), Tempranilla (in [[Argentinië]]) en Tinta Roriz (in [[Portugal]]).