Bobotie: Verskil tussen weergawes

'''Bobotie''' is 'n Suid-Afrikaanse gereg wat bestaan uit maalvleis en speserye met 'n eier-, melk- en [[borrie]]bolaag. Daar was lank geglo dat die resep afkomstig was van die [[VOC]] kolonies in Batavia en moontlik afgelei van die Indonesiese gereg [[Bobotok]], maar dit is meer waarskynlik dat dit reeds saam met [[Jan van Riebeeck]] in die Kaap aangekom het [1]. Die Hollanders het reeds teen die tyd geweet hoe om kerrievleis te berei. Dit was so algemeen dat spesiale potte reeds teen 1752 daarvoor vervaardig soos wat blyk uit n boedelinventaris van die tydperk waarin n bobotijkeetel (bobotiepot) genoem is [1].

 

 

Die gereg was al teen die 17de eeu bekend in die [[Kaap van Goeie Hoop]], toe dit gemaak is van 'n mengsel van skaap- en varkvleis. Deesdae word skaap- en beesvleis verkies. Die oorspronklike resepte het [[gemmer]] en [[suurlemoen]]skil bevat. Die ontdekking van [[kerrie]] het die resep vergemaklik, maar die basiese idee het dieselfde gebly. Oorspronklik is daar ook gebruik gemaak van [[rosyntjies]] en [[sultanas]] en deesdae word grondboontjies, [[blatjang]] en piesang gereeld gebruik.