Overberg: Verskil tussen weergawes

Die '''Overberg''' is 'n streek in [[Suid-Afrika]], oos van [[Kaapstad]] anderkant die [[Hottentots Hollandberge]]. Dit is geleë langs die [[Wes-Kaap]]-provinsie se suidkus tussen die [[Kaapse skiereiland]] en die gebied wat as die [[Tuinroete]] bekendstaan in die ooste. Die grense van die Overberg is die Hottentots Hollandberge in die weste; die [[Riviersonderendberge]], deel van die ''[[Cape Fold Belt]]'', in die noorde; die [[Atlantiese Oseaan|Atlantiese-]] en [[Indiese Oseaan|Indiese Oseane]] in die suide en die [[Breederivier]] in die ooste.

 

 

Die streek is nog altyd as die broodmandjie van die Kaap gesien en word meestal vir graanlandbou — hoofsaaklik [[koring]] — gebruik. Die koringlande is 'n belangrike broeiplek vir Suid-Afrika se nasionale voël, die [[Bloukraanvoël]]. 'n Ander belangrike voedselsoort, wat in die Overberg verbou word, is sagtevrugte. Die [[Elginvallei]] is die tweede grootste [[Verskaffer (ekonomie)|verskaffer]] van vrugte in Suid-Afrika.