Misdaadroman: Verskil tussen weergawes

Die '''misdaadroman''' (dikwels ook '''speurverhaal''' of '''spanningsroman''' genoem) is 'n literêre genre wat gewoonlik 'n misdaad en sy ondersoek en vervolging deur die polisie, 'n professionele speurder of 'n privaat persoon behandel. Die genre is tradisioneel eerder by die "lae" literatuur gereken, maar is vanweë sy storie-elemente en sy psigologiese diepsinnigheid lankal eweneens deur literêre skrywers benut sodat die ou grense tussen die tipies voorspelbare ontspanningsliteratuur en die hoë genre vervaag het.<ref>[http://www.oulitnet.co.za/leeskring/kikoejoe.asp Chris van der Merwe: ''Etienne van Heerden - Kikoejoe''. In: LitNet - LeesKringe]</ref> Die swaartepunte en sienswyses van misdaadromans strek oor 'n wye spektrum en maak 'n indeling in 'n aantal subgenres noodsaaklik.