Abraham H. de Vries: Verskil tussen weergawes

Content deleted Content added
Nuwe blad: '''Abraham Hermanus de Vries''' (gebore 9 Februarie, 1937) is 'n Afrikaanse kortverhaalskrywer. Hy word as een van die voorste eksponente in die Afrikaanse kortpro...
(Geen verskil)

Wysiging soos op 14:05, 26 Junie 2008

Abraham Hermanus de Vries (gebore 9 Februarie, 1937) is 'n Afrikaanse kortverhaalskrywer. Hy word as een van die voorste eksponente in die Afrikaanse kortprosa beskou, veral in sy generering van nuwe betekenismoontlikhede in die struktuur van sy korter tekste. Sy oeuvre moet gelees word binne die raamwerk nie alleen van 'n postmodernistiese kompleksiteit en dubbelsinnigheid nie, maar ook kultuurhistories as een van die Sestigers.


Biografie

Hy is gebore op Ladismith in die ou Kaapprovinsie. Hy studeer aan die Maties. Hy verwerf mettertyd 'n doktorsgraad in die Afrikaanse Taal- en Letterkunde aan die Gemeentelijke Universiteit van Amsterdam. Hy is die kunsredakteur van Die Vaderland vanaf 1963 en 1965. Hy toer gereeld oorsee, en gee ook in sy loopbaan aan verskeie Europese universiteite klas. Hy is bekroon met vele letterkundige toekennings: die Reina Prinsen Geerligs-prys (vir sy eerste drie boeke), die Eugène Marais-prys vir Vliegoog, die Perskor-prys vir Briekwa, die De Kat/Potpourri-prys vir Die Bruid, en die RAU-prys vir kreatiewe werk in 2004.

Bibliografie

  • 1956 -- Hoog teen die heuningkrans.
  • 1957 -- Verlore erwe.
  • 1959 -- Proegoed.
  • 1961 -- Vetkers en neonlig.
  • 1963 -- Dubbeldoor.
  • 1965 -- Die rustelose sjalom.
  • 1965 -- Vliegoog.
  • 1966 -- Afspraak met eergister; Griekse reisjoernaal, Oktober 1965 tot April 1966.
  • 1966 -- Dorp in die Klein Karoo.
  • 1966 -- Kruispad; ’n novelle.
  • 1968 -- Joernaal uit ’n gragtehuis.
  • 1969 -- Twee maal om die son.
  • 1972 -- Volmoed se gasie.
  • 1973 -- Briekwa.
  • 1975 -- Bliksoldate bloei nie.
  • 1977 -- Die Klein Karoo; ’n legkaart, (foto’s deur Paul Alberts).
  • 1978 -- Die Afrikaanse kortverhaalboek, (samesteller).
  • 1980 -- Kort keur, (samesteller).
  • 1980 -- Die uur van die idiote.
  • 1983 -- Kortom: gids by die Afrikaanse kortverhaalboek.
  • 1986 -- Literêre dagboek, (samesteller).
  • 1987 -- Soms op ’n reis.
  • 1989 -- Kortom II: ’n inleiding by die Afrikaanse kortverhaalboek.
  • 1989 -- Nag van die clown.
  • 1989 -- Steekbaard: die beste Afrikaanse hondestories.
  • 1994 -- ’n Plaaswinkel naby oral.
  • 1996 -- Eeu: honderd jaar van Afrikaanse kortverhale, (samesteller).
  • 1997 -- Skaduwees tussen skaduwees.
  • 2000 -- Uit die kontreie vandaan.
  • 2002 -- Op die wye oop Karoo: plaaswinkelstories uit die Klein Karoo.
  • 2003 -- Tot verhaal kom.

Bronne

  • Literatuur in konteks.
  • Perspektief en profiel. Deel I. - Van Coller, H.P. (redakteur) (1998).
  • Die Afrikaanse literatuur: 1652-1987. - Kannemeyer, J.C. (1988).