W.A. de Klerk: Verskil tussen weergawes

Content deleted Content added
Nuwe blad: '''Willem Abraham de Klerk''' (7 Maart 191718 Julie 1996) was 'n Afrikaanse skrywer en dramaturg. Sy oeuvre bestaan uit eenbedrywe, ander dramas, rom...
(Geen verskil)

Wysiging soos op 13:56, 7 Julie 2008

Willem Abraham de Klerk (7 Maart 191718 Julie 1996) was 'n Afrikaanse skrywer en dramaturg. Sy oeuvre bestaan uit eenbedrywe, ander dramas, romans, joernalistieke prosa, jeuglektuur en reisverslae. Sy belang as skrywer word veral gesien as literatuurhistories, alhoewel sy bydrae tot die realisme ook nie ontken moet word nie.

Biografie

Hy is gebore op Marquard in die Vrystaat. Hy gaan skool op Bloemfontein en later in Kaapstad, nadat sy gesin trek na Fort Beaufort. Hy studeer in die regte aan die Universiteit van Stellenbosch, en werk daarna as advokaat in Kaapstad. Hy doen ook vryskutwerk en radio-kommentaar, en uiteindelik voltyds vir die SAUK. Hy trou in 1943 met Ena Smith. In 1953 begin hy boer op die plaas Saffier naby die Paarl, en sterf ook daar. Hy word bekroon met die Scheepersprys vir Jeugliteratuur in 1958, die Nasionale Boekhandelprys vir historiese romans in 1964, die D.F. Malan-medalje en die Hertzogprys (vir Drama) in 1958.


Bibliografie

  • 1942 -- Uit die goeie aarde.
  • 1945 -- Die vallei van die rooi gode: ’n verhaal vir die jongspan en ander wat nog hul verbeelding kan gebruik.
  • 1946 -- Die grenslose.
  • 1947 -- Drie dramas.
  • 1951 -- Nelia Bell.
  • 1951 -- Vlamme oor La Roche.
  • 1952 -- Jaar van die vuur-os.
  • 1953 -- Die eensames.
  • 1955 -- Komedie onder die eike.
  • 1956 -- Agtien man en ’n meisiekind.
  • 1958 -- Willemien se ligte dae.
  • 1960 -- O, heilige onrus: drie novelles.
  • 1960 -- Die soekende mens.
  • 1961 -- Adam en Eva: ’n drietal spele.
  • 1962 -- Poens 1: die penkopjare.
  • 1962 -- Drie swerwers oor die einders.
  • 1963 -- Vermaak se kind.
  • 1964 -- Die laer.
  • 1968 -- Buite die raamwerk.
  • 1976 -- Die gesel van Namakwaland.
  • 1977 -- Die twisappel: die verhaal van ’n verbode vrug.
  • 1978 -- Die markplein..
  • 1978 -- Die uur van verlange: synde annale van Agterberg.
  • 1979 -- Tyd van vernuwing: opstelle oor tyd en samelewing.
  • 1982 -- Die wolkemaker.
  • 1984 -- Die afgrond.
  • 1985 -- As die reier noord vlieg: kronieke van Onder-Drosterberg.
  • 1985 -- Die skarlaken eskader.
  • 1985 -- Wanneer see en branders dreun: kroniek vir die toneel in drie dele.
  • 1989 -- Terwyl dit om ons brand.

Bron

Verwerk vanaf [1].