|- style="background: white; border-top:1px solid #999;"
|style="border-left:1px solid #999"| <center>Voer geen vlag nie</center>
|- style="background: #f7f8ff; border-top:1px solid #999; text-align:center;"
|style="border-left:1px solid #999"|
|- style="border-top:1px solid #999;"
| '''Land'''
| style="background: #f7f8ff; text-align:center;" | [[Image:Flag of Germany.svg|20px]] [[Duitsland]]
|- style="border-top:1px solid #999;"
| '''Deelstaat'''
| style="background: #f7f8ff; text-align:center;" | [[Beeld:Flag of Baden-Württemberg.svg|20px]] [[Baden-Württemberg]]
|- style="border-top:1px solid #999;"
| '''Koördinate'''
| style="background: #f7f8ff; text-align:center;" |48°3′ N, 8°13' O
|- style="border-top:1px solid #999;"
| '''Stigting'''
| style="background: #f7f8ff; text-align:center;" | Voor [[1179]]
|- style="border-top:1px solid #999;"
| '''Stadstatus'''
| style="background: #f7f8ff; text-align:center;" | [[1873]]
|- style="border-top:1px solid #999;"
| '''Oppervlak:'''
| style="background: #f7f8ff" |
|-
| - Totaal
| style="background: #f7f8ff; text-align:center;" | 82,57 [[vierkante kilometer|vk km]]
|-
| '''Hoogte bo seevlak'''
| style="background: #f7f8ff; text-align:center;" | 850-1150 m
|- style="border-top:1px solid #999;"
|- style="border-top:1px solid #999;"
|-
| '''Bevolking:'''
| style="background: #f7f8ff" |
|-
| - Totaal (31 Desember 2006)
| style="background: #f7f8ff; text-align:center;" | 9 463
|-
| - Bevolkingsdigtheid
| style="background: #f7f8ff; text-align:center;" | 115/vk km
|-
| '''Tydsone'''
| style="background: #f7f8ff; text-align:center;" | [[UTC]] +1 (MET)
|- style="border-top:1px solid #999;"
|-
|- style="border-top:1px solid #999;"
|-
| '''Burgemeester'''
| style="background: #f7f8ff; text-align:center;" | Richard Krieg (CDU)
|- style="border-top:1px solid #999;"
| '''Amptelike Webwerf'''
| style="background: #f7f8ff; text-align:center;" | [http://www.furtwangen.de www.furtwangen.de]
|- style="border-top:1px solid #999;"
|}
'''Furtwangen im Schwarzwald''' is 'n klein stad in die [[Swartwoud|Swartwoud-bergreeks]] van die [[Duitsland|Suidwes-Duitse]] deelstaat [[Baden-Württemberg]] met 'n oppervlakte van 82,57 vierkante kilometer en 'n bevolking van 9 463 mense (31 Desember 2006). Die stad, wat in administratiewe opsig deel uitmaak van die Swartwoud-Baar-distrik, is die setel van die ''Hochschule Furtwangen'', 'n tersiêre onderwysinstelling, en die ''Deutsches Uhrenmuseum'' (Duitse Klokmuseum) met sy internasionaal bekende versameling van [[Swartwoudklok|Swartwoudklokke]].
== Geografie ==
[[Beeld:Bregquelle bei Furtwangen.jpg|thumb|left|250px|Die Bregrivier, wat in hierdie fontein naby Furtwangen ontspring, word as een van die geografiese bronne van die Donau beskou. Die fontein is tot natuurmonument verklaar]]
Furtwangen is in die die hartland van die Swartwoud geleë, sowat 25 kilometer wes van Villingen-Schwenningen (die administratiewe hoofstad van Swartwoud-Baar) en sowat 27 kilometer oos van [[Freiburg im Breisgau]].
Met 'n hoogte bo seevlak tussen 850 en 1 150 meter bo seevlak is Furtwangen die tweede hoogs geleë nedersetting met stadstatus in die deelstaat Baden-Württemberg ná Meßstetten. Die hoogste bergspits Brend (1 149 meter) is noordwes van Furtwangen geleë.
Furtwangen se stadsbuurt Neukirch het vanweë sy verruklike ligging in die berglandskap van die Swartwoud en suiwer lug die amptelike status van ''Luftkurort'' ('n ontspanningsplek en herstellingsoord wat aan bepaalde vereistes moet voldoen) en is daarnaas 'n gewilde bestemming vir staptoere en wintersport. Die stad beskik nogtans oor 'n nywerheidsbasis en is die setel van die Hochschule Furtwangen, 'n soort technikon met sowat 3 800 studente (waarvan 2 420 op die Furtwangen-kampus) wat grade in ekonomie en tegniese vakke aanbied.
Die Breg, die langste bronrivier van die Donau wat naby Donaueschingen met die Brigach saamvloei, ontspring aan die stadsrand van Furtwangen. Alhoewel die Donau nie oor 'n amptelike "oorsprong" beskik nie (ten spyte van die naam ''Donauquelle'' of "Bron van die Donau" wat aan 'n fontein in die Slotspark van Donaueschingen gegee is), is Furtwangen by 'n humeurige geskil oor die werklike brongebied van die Donau betrokke.
== Geskiedenis ==
[[Beeld:Furtwangen_1808.jpg|thumb|left|250px|Furtwangen in die jaar 1808]]
[[Beeld:Tracht_Furtwangen_1999.jpg|thumb|left|250px|Die tradisionele kleredrag van Furtwangen]]
Furtwangen is eers in die Hoë Middeleeue deur monnike van die klooster St. Georgen by die kruispunt van drie valleie gestig.<ref>[http://www.badische-seiten.de/furtwangen/ ''Badische Seiten: Die geskiedenis van Furtwangen'']</ref> Die eerste historiese verwysing na Furtwangen kom in 'n oorkonde van pous [[Pous Alexander III|Alexander III]] uit die jaar 1179 voor waarin die klooster St. Georgen as eienaar van die dorp en sy kerkgebou genoem word. Die bestaan van 'n plaaslike kerkgemeente dui daarop dat Furtwangen in hierdie tydperk al 'n beduidende nedersetting was, alhoewel die gemeente moontlik net enkele jare vroeër gestig is.
Die dorp was aanvanklik 'n besitting van die hertoë van Zähringen en deur hul plaaslike administrateurs geregeer. Toe die dinastie uitgesterf het, het die grawe van Freiburg die heerskappy oor die gebied uitgeoefen en deur die here van [[Triberg]] geadministreer. In die 14de eeu het Furtwangen 'n besitting van die huis Habsburg geword en is eers in 1806 by die Duitse groothertogdom Baden ingelyf.
Oor die eeue heen het Furtwangen in ekonomiese opsig steeds belangriker geword. Die dorp is gedurende die Dertigjarige Oorlog geplunder. Markte is hier al in die vroeë 17de eeu gehou - ondanks die kritiek van sommige buurstede. Eers in 1761 het keiserin Maria Theresia aan Furtwangen, wat destyds deel uitgemaak het van Voor-Oostenryk, die amptelike status van markdorp verleen. Desondanks het Furtwangen eers in die jaar 1873 stadstatus gekry - vroeëre aansoeke is nie goedgekeur nie aangesien die dorp nog nie oor 'n raadsaal beskik het nie.
Ná 'n reeks verwoestende brande in die jaar 1857 het plaaslike burgers in Augustus van dieselfde jaar die ''Pompier Corps'' of brandweer van Furtwangen volgens die voorbeeld van Villingen gestig. Naas die stadstatus het ook die bou van die spoorlyn deur die Breg-vallei, die Bregtalbahn wat Furtwangen met Donaueschingen verbind het, die ekonomiese groei van die stad bevorder. Die spoorlyn is in 1972 gesluit.
Die plaaslike ekonomie is deur die klok- en horlosiebedryf oorheers wat met die stigting van die Horlosiemakerskool Furtwangen deur die Badiese regering in 1850 'n beduidende hupstoot gekry het. Die eerste skoolhoof was die bekende ingenieur Robert Gerwig. Die instelling het tot die stigting van 'n beroepskool en die ''Hochschule Furtwangen'' bygedra, en die plaaslike klok- en horlosiesbedryf is tot 'n professionele nywerheid uitgebrei. Talle klokfabrieke is in Furtwangen en sy omgewing gestig.
Ná die [[Eerste Wêreldoorlog]] het die bedryf egter 'n ekonomiese krisis beleef. Nogtans het uit hierdie bedryf 'n beduidende nywerheidsektor begin ontwikkel wat metaalverwerking, fynmeganiese en elektroniese nywerhede insluit en suksesvol op die wêreldmark meeding. Die stad het een van die laagste werkloosheidsyfers in Duitsland.
==Kultuur, toerisme en besienswaardighede==
[[Beeld:Deutsches-Uhrenmuseum-Aussenansicht.png|thumb|right|250px|Die ingang tot die ''Deutsches Uhrenmuseum'' (Duitse Klokmuseum). Sien die artikel [[Swartwoudklok]] vir voorbeelde van klokke wat hier vertoon word]]
Furtwangen is aan twee bekende toeristeroetes geleë, die federale grootpad (''Bundesstaße'') B 500 en die ''Deutsche Uhrenstraße'' (Duitse Klokroete). Die ''Deutsches Uhrenmuseum'' (Duitse Klokmuseum) pronk met 'n eersterangse versameling van sowat 5 000 klokke en horlosies uit alle wêrelddele, maar veral uit die Swartwoud. Die museum dokumenteer sodoende die nou bande van Furtwangen met hierdie tradisionele Swartwoud-bedryf.
Net soos die Klokmuseum is ook die ''Rechnermuseum'' (Rekenaarmuseum) op die kampus van die plaaslike technikon geleë. Die museum maak deel uit van die Departement Ekonomie en Informatika en behandel die ontwikkeling van die eerste rekenmasjiene tot moderne rekenaars asook die geskiedenis van buromasjiene en wiskundige apparate.
Die ''Fasnet'' of [[Swabies-Alemanniese Karnaval]] is een van die hoogtepunte van die kulturele lewe, en balle en straatoptogte word gereeld in Furtwangen gehou. Naas die jaarlikse vlooimark in laat Augustus, die grootste in die omgewing, word tegelykertyd ook die sogenaamde ''Antikuhrenbörse'' gehou, die beduidenste handelskou vir antieke klokke, horlosies en onderdele in Europa wat besoekers uit alle wêrelddele lok.
Gewilde toeristetrekpleisters in Furtwangen en sy omgewing is die bergspits Brend wat met sy uitkyktoring tydens gunstige weerstoestande 'n pragtige uitsig tot by die [[Switserland|Switserse]] [[Alpe]]-bergspitse en die [[Frankryk|Franse]] [[Vogese|Vogese-bergreeks]] in [[Elsas]] bied, die Donauquelle of "Donau-oorsprong" naby die ''Martinskapelle'' (Sint-Maarten-kapel) en die skilderagtige watermeul ''Hexenlochmühle'' in die stadsbuurt Neukirch.
==Verwysings==
{{Vertaling/Verwysing|de|Furtwangen im Schwarzwald|vertaaldatum=10 Junie 2008}}
{{reflist}}
== Eksterne skakels ==
{{Commons|Furtwangen}}
* [http://www.furtwangen.de/ ''Die amptelike webwerf van Furtwangen im Schwarzwald'']
[[Kategorie:Swartwoud]] [[Kategorie:Baden-Württemberg]] [[Kategorie:Stede in Duitsland]]
