'''Germanium''' is 'n [[chemiese element]] in die [[periodieke tabel]] met die simbool '''Ge''' en [[atoomgetal]] van 32. Dit is 'n glansende, harde silwerwit [[metaalagtige]] element met chemiese eienskappe soortgelyk aan [[tin]]. Germanium vorm 'n groot aantal organometaalverbindings en is 'n belangrike [[halfgeleier]]materiaal wat in [[transistor]]s gebruik word.
== Kenmerkende eienskappe ==
Germanium is 'n harde, gryswit element met 'n metaalglans en dieselfde kristalstruktuur as [[diamant]]. Verder is dit belangrik om kennis te neem dat germanium 'n halfgeleier is met elektriese eienskappe tussen die van 'n [[metaal]] en 'n [[isoleerder]]. In sy suiwer toestand is hierdie metaalagtige 'n bros kristallyne materiaal wat sy glans in lug by kamertemperatuur behou. [[Soneraffinering|Soneraffineringstegnieke]] het dit moontlik gemaak om kristallyne germanium vir [[halfgeleier]]s te vervaardig met 'n onsuiwerheid so laag soos een deel per 10<sup>10</sup>.
== Geskiedenis ==
In 1871 was germanium ([[Latyn]] ''Germania'') een van die elemente wat deur [[Dmitri Mendelejev]] voorspel is as 'n vermiste element (ekasilikon) uit die [[silikon]]-groep. Die bestaan van die element is deur [[Clemens Winkler]] in 1886 bevestig. Die ontdekking was 'n belangrike bevestiging van Mendeleyev se idee van die periodieke aard van die elemente.
<th colspan=3>Vergelyking van Mendelejev se voorspelling<br> en die werklike eienskappe.</th>
<tr>
<th>Eienskap</th>
<th>Ekasilikon</th>
<th>Germanium</th>
</tr><tr>
<td>atoommassa</td>
<td>72</td>
<td>72.59</td>
</tr><tr>
<td>digtheid(g/cm<sup>3</sup>)</td>
<td>5.5</td>
<td>5.35</td>
</tr><tr>
<td>smeltpunt (°C)</td>
<td>hoog</td>
<td>947</td>
</tr><tr>
<td>kleur</td>
<td>grys</td>
<td>grys</td>
</tr>
</table>
Die ontwikkeling van die germanium-transistor het die weg gebaan vir ontelbare toepassings van [[vastetoestand]] elektronika. Vanaf 1950 tot die vroeë sewentigs was hierdie 'n groeiende afsetmark vir germanium totdat hoë suiwerheid silikon germanium in transistors, [[diode]]s en gelykrigters. Silikon het meerderwaardige elektriese eienskappe maar verg 'n baie hoër suiwerheid wat nie vroeër moontlik was om kommersieël te vervaardig nie. Die vraag na Germanium vir gebruik in [[veseloptika|optiese vesel]] kommunikasienetwerke, infrarooi [[nagsigtoerusting]] en polimerisasiekataliste het intussen dramaties verhoog. Hierdie gebruike het ongeveer 85% van die wêreldwye verbruik van germanium in die jaar 2000 verteenwoordig.
== Gebruike ==
Anders as die meeste halfgeleiers het germanium 'n klein [[bandgaping]], wat dit toelaat om effektief op [[infrarooi]]lig te reageer. Dit word daarom gebruik in infrarooi [[spektroskoop|spektroskope]] en ander optiese toerusting wat uiters sensitiewe infrarooi detektors vereis. Die oksied van germanium se [[brekingsindeks]] en verstrooiïngseienskappe maak germanium nuttig vir gebruik in wyehoeklense in [[kamera]]s en in [[mikroskoop|mikroskope]] se lense.
Die legering Silkongermanied ([[SiGe]]) is vinnig besig om 'n uiters belangrike halfgeleiermateriaal vir gebruik in hoë-spoed geïntegreerde stroombane te word. Stroombane wat die eienskappe van Si-SiGe brûe benut is baie vinniger as dié wat slegs silikon gebruik.
Ander gebruike:
* [[Legering]]s;
* Fosfor in [[fluoresserende lamp]]e
* As 'n [[katalis]]
* Hoë suiwerheid germaniumkristaldetektors kan gebruik word om die presiese bron van straling vas te stel (bv. vir lugvaartveiligheid)
Sekere verbindings van germanium het 'n lae giftigheid tot [[soogdier]]e maar is giftig vir sekere [[bakterieë]]. Dit maak germanium nuttig as 'n chemoterapeutiese middel.
== Verspreiding ==
Die metaal word gevind in [[argirodiet]] ('n [[sulfied]] van germanium en [[silwer]]), [[steenkool]], [[germaniet]], [[sink|sinkertse]] en ander [[mineraal|minerale]].
Germanium word kommersieël ontgin vanuit sinkerts deur die stof uit smeltoonde te behandel en uit die [[verbranding|verbrandingsprodukte]] van sekere soorte steenkool.
Hierdie metaalagtige kan ontgin word vanuit ander metale deur fraksionele [[distillasie]] van die vlugtige tetrachloried. Hierdie tegniek maak die vervaardiging van ultra-hoë suiwerheid germanium moontlik.
In 1997 was die koste van germanium ongeveer $3 per [[gram]] (V.S.A). Die sluitingsprys vir die jaar 2000 van germanium was $1 150 per [[kilogram]] (of $1.15 per gram).