William Robertson: Verskil tussen weergawes
Content deleted Content added
Morne (besprekings | bydraes) Nuwe blad: Ds. '''William Robertson''' was 'n Skotse predikant van die Nederduitse Gereformeerde Kerk in Suid-Afrika. Hy was die eerste leraar van die NG gemeente Clanwilliam en is op [... |
Morne (besprekings | bydraes) No edit summary |
||
Lyn 1:
Ds. '''William Robertson''' was 'n Skotse predikant van die [[Nederduitse Gereformeerde Kerk]] in [[Suid-Afrika]]. Die dorp [[Robertson]] is na hom vernoem.
Hy was die eerste leraar van die NG gemeente [[Clanwilliam]] en is op [[26 Februarie]] [[1832]] bevestig. Volgens oorlewering was hy saggeaard en baie geduldig. Hy het goed met die lidmate oor die weg gekom omdat hy 'n ewewigtige persoonlikheid gehad het. Sy mensekennis was na alle waarskynlikheid die gevolg van sy vroeëre amp as onderwyser. Hoewel die gemeente gestrek het tot teen aan die [[Oranjerivier]] (sowat 500 km met die kus langs), die paaie so sleg en die vervoergeriewe so eenvoudig was, het hy alles in sy vermoë gedoen om selfs die mees afgeleë lidmate te besoek, aan te neem, te bemoedig en te versterk tot volharding en getrouheid aan die kerk en geloof.<ref>Hetty McGregor: Ds. William Robertson.</ref>
Hy het die Hollandse taal eers as volwassene geleer, maar was 'n groot voorstander daarvan. Sy verontwaardiging het by meer as een geleentheid ontvlam as iemand byvoorbeeld, veral 'n dame van Hollandse afkoms, uit die hoogte sou sê: "I don't speak Dutch."<ref>Hetty McGregor: Ds. William Robertson.</ref> Hy het hom dan ook volkome vereenselwig met die mense van Afrikaans-Nederlandse afkoms onder wie hy gewerk het.
Robertson het oor goeie organisasievermoë beskik. Hy het reeds tydens sy eerste kerkraadsvergadering gereël hoe katkisante getoets moet word en by 'n latere geleentheid ook die kerkkantoor en -boekhouding geherorganiseer. Hy het aanddienste in die gemeente, wat op [[17 Oktober]] [[1826]] gestig is, ingestel. Hy het ver gereis om huisbesoek te bring, onder meer die eerste huisbesoeke aan die Berg- en Langvleiwyk, maar ook aan Troe-Troe (die latere [[Vanrhynsdorp]], Hantam (waar [[Calvinia]] later afgestig het), [[Olifantsrivier]], Onder-[[Roggeveld]] en [[Bokkeveld]]. Tydens sy tweede jaar het hy na die [[Kamiesberg]]- en Hardeveldwyke gereis.
Tydens Robertson se dienstermyn is die eerste pastorie gebou. Die staat het die perseel geskenk, maar die hele gemeente het bygedra tot die oprigting van die kerk se blywende eiendom.
Op [[7 Oktober]] [[1833]] kry die kerkraad 'n skrywe van die goewerneur, sir [[Galbraith Lowry Cole]], dat dit hom behaag het om hulle leraar na [[Swellendam]] te verplaas en dat die weleerw. heer [[E.F.H. de Roubaix]] as sy opvolger benoem is. Op [[11 Desember]] [[1833]] lewer die beminde en gewaardeerde ds. William Robertson sy afskeidspreek na aanleiding van Handelinge 20:26. Reeds by die namiddagdiens lewer ds. E.F.H. de Roubaix sy intreerede na aanleiding van 2 Timoteus 1:10<ref>K.R.N. Boek 1, 2 Desember 1833, p. 187</ref>
[[Kategorie:Kerke]]
[[Kategorie:Nederduitse Gereformeerde Kerk]]
[[Kategorie:Christendom]]
[[Kategorie:Geskiedenis van Suid-Afrika]]
[[Kategorie:Wes-Kaap]]
[[Kategorie:Weskus]]
[[Kategorie:Suid-Afrikaanse geskiedenis]]
[[Kategorie:Leraars in Suid-Afrika]]
| |||