Paul Methuen: Verskil tussen weergawes

Paul Sanford Methuen is gebore te [[Corsham Court]], [[Wiltshire]] as die oudste van die drie seuns van Frederick Henry Paul Methuen, 2^de Baron Methuen en sy vrou Anna Horatia Caroline Sanford. Hy het sy opvoeding ontvang te [[Eton kollege]]. Hy het militêre diens verrig in die hedendaagse [[Ghana]] (wat destyds as die Goudkus bekend gestaan het) asook in die hedendaagse [[Botswana]] (toe bekend as die BechuanalandBetsjoeanaland protektoraat). Hy het die rang van [[Luitenant-Generaal]] in 1899 verwerf en tydens die [[Tweede Vryheidsoorlog]] by die [[Slag van Magersfontein]] geveg, waar hy verslaan is deur die [[Boer|Boeremagte]].

Methuen het twee jaar in die [[Royal Wiltshire Yeomanry]] gedien en daarna by die [[Scots Guards]] aangesluit as 'n waarnemende onderluitenant. Hier vorder hy mettertyd na [[Luitenant]]; tot Kaptein in [[1867]]; tot [[Luitenant-Kolonel]] in [[1876]] en regiment [[Majoor]] in [[1882]]. Hy het ook as adjudant van die eerste bataljon gedien vanaf [[1871]] - [[1878]] en verskeie stafposisies beklee. Hy het as [[militêre attaché]] in [[Berlyn]] tussen [[1878]] en [[1881]] gedien, assistent adjudant kwartiermeester generaal (1881 - 1884) en onder adjudant-generaal in [[Suid-Afrika]] (1888 - 1890). Hy het gevegservaring opgedoen by [[Amoaful]] tydens die [[Ashanti]]-veldtog van 1873 - 1874 as lid van Sir [[Garnet Wolseley]] se staf en was die hoofkwartier kommandant in [[Egipte]] vir drie maande in 1882 en was teenwoordig by die [[Slag van Telet-Kebir]]. Hy word volle kolonel in 1881 en het gedien in Sir [[Charles Warren]] se ekspedisie na [[BechuanalandBetsjoeanaland]] tussen 1884 tot 1885 waar hy bevel gevoer het oor 'n berede korps. Na verskeie verdere kleiner bevorderings is hy na [[Majoor-generaal]] bevorder in Mei van 1888. In 1897 dien hy as [[sensor]] vir die pers by die hoofkwartier van die [[Tirah]] ekspedisie waar hy na [[Luitenant-generaal]] bevorder is in [[1898]]. Hy is as bevelvoerder van die eerste Divisie aangestel met die uitbreek van die [[Tweede Vryheidsoorlog]].